[[File:Gabon - Economia.png|thumb|Ressorsas economicas principalas de Gabon]]
Gabon es un estat en desvolopatdesvolopament amb una economia principalament basada sus l'esplecha dei ressorsas naturalas fòrça importanta de son territòri. En 2013, son PIB èra de 19,97 miliards de [[dolar|dolars]] estatsunidencs. L'[[agricultura]] ne'n representava 3,6%, l'industria e leis activitats minieras 63,9% e lei servicis 32,5% amb un taus de chaumatge d'aperaquí 21% (en 2006). Lei partenaris economics principaus dau país son leis [[Estats Units d'America]]<ref>17% deis exportacions e 9,4% deis importacions gabonesas en 2013.</ref>, la [[Republica Populara de China|China Populara]]<ref>5,4% deis exportacions e 12,6% deis importacions gabonesas en 2013.</ref>. [[França]] a un ròtle important coma fornisseire<ref>28,2% deis importacions gabonesas venián de [[França]] en 2013.</ref> e [[Japon]], [[Austràlia]] e [[Índia]] coma practicas<ref>En 2013, aquelei país representavan respectivament 24,1%, 11,3% e 7,4% deis exportacions gabonesas.</ref>. En 2013, la balança comerciala gabonesa èra fòrça positiva amb un excendent de 5,84 miliards de dolars.
La fònts principala de revenguts de l'Estat es l'esplecha d'idrocarburs, especialament de [[petròli]], que representava 48% dau PIB en 2012 e èra a l'origina de 47% dau budget nacionau. La produccion demenisse regularament dempuei 1997 (18,5 milions de tonas) mai agantava encara 11 milions de tonas en 2007. Pasmens, de jaciments novèus son estats descubèrts dins la zòna d'esplecha economica gabonesa. Situats a de prefondors importantas, semblan formar un potenciau economic important dins leis annadas venentas maugrat son esplecha malaisada.
