1918 : Diferéncia entre versions

180 octets aponduts ,  fa 5 anys
Au començament de l'annada, [[Georgia (Caucàs)|Georgia]] faguèt partida de la [[Republica Democratica Federativa de Transcaucàsia]] que proclamèt son [[independéncia]] lo 24 de febrier. Pasmens, aquel [[estat]] intrèt rapidament en crisi en causa de la manca de cooperacion entre lei pòbles diferents de la federacion. Lo 26 de mai, [[Georgia (Caucàs)|Georgia]] proclamèt son independéncia e foguèt imitada per [[Armenia]] e [[Azerbaitjan]] dos jorns pus tard entraïnant la disparicion de [[Republica Democratica Federativa de Transcaucàsia|Transcaucàsia]]. [[Georgia (Caucàs)|Georgia]] passèt alora sota la proteccion deis Empèris Centraus fins au mes de novembre puei sota la proteccion de l'Entenduda après la victòria aliada. De tropas estrangieras foguèron desbarcadas per assegurar aquela proteccion.
 
En parallèl d'aqueleis eveniments, lei tropas russas se retirèron ambé l'afondrament dau regime imperiau. En causa de la manca d'avitalhament dei soudats de l'armada imperiala, aquò entraïnèt de pilhatges importants. Pasmens, permetèt tanben ai nacionalistas georgians de prendre lo contraròtle d'armas e de [[municion]]s abandonadas e d'acomençar l'organizacion d'una fòrça militara locala.
 
==== [[Grècia]] ====
44 481

cambiaments