1917 : Diferéncia entre versions

2 469 octets aponduts ,  fa 5 anys
 
[[File:German trenches on the aisne.jpg|thumb|right|Trencada alemanda sus lo [[Batalha dau Camin dei Damas|Camin dei Damas]] en 1917.]]
 
Perseguida de la [[Premiera Guèrra Mondiala]] sus divèrsei frònts :
* sus lo frònt de l'Oèst, l'armada alemanda deguèt doas ofensivas aliadas d'amplor que causèron de pèrdas importantas dins lei dos camps. Premier, lei Francés ataquèron sus lo Camin dei Damas (16 d'abriu - 24 d'octòbre). Destinada a rompre d'un biais decisiu lo frònt alemand, aquela ofensiva creèt una gròssa tension sus leis efectius alemands que començavan de mancar. Pasmens, lei pèrdas èran tanben catastroficas dins lo camp francés e l'ataca foguèt arrestada entraïnant una crisi grèva dins l'armada francesa. Puei, foguèt lo torn dei Britanics qu'organizèron una ataca generala dins la region d'Ypres. Dicha [[tresena batalha d'Ypres]] (31 de julhet - 6 de novembre), aquela ofensiva mobilizèt 50 divisions eissidas de l'[[Empèri Britanic]] e 4 francesas còntra aperaquí 80 divisions alemandas. Leis Alemands foguèron un còp de mai durament tocats (entre {{formatnum:200000}} e {{formatnum:450000}} per l'Entenduda e entre {{formatnum:217000}} e {{formatnum:410000}} per leis Alemands) mai capitèron de tenir lo frònt.
* sus lo frònt de l'Èst, la situacion foguèt bòna ambé l'afondrament de l'armada russa après l'afondrament dau regime imperiau en febrier e la revirada de l'[[ofensiva Kerenski]] (1{{èr}}-19 de julhet). Aprofichant lo caòs, l'armada alemanda acomencèt d'avançar a cha pauc vèrs l'èst.
* sus lo frònt italian, leis Alemands deguèron mandar de renfòrç per remplaçar lei pèrdas austrianas entraïnadas per lei doas ofensivas italianas de mai-junh e d'aost-setembre. Tre son arribada, leis Alemands decidèron d'organizar una ofensiva d'amplor dins lo sector de Caporetto. Aquela ataca ([[Batalha de Caporetto|24 d'octòbre - 9 de novembre]]) foguèt un succès totau que permetèt ais Austro-alemands d'avançar de 100 quilomètres en direccion de [[Venècia]] e de capturar mai de {{formatnum:250000}} presoniers. Pasmens, leis Italians recebèron de renfòrç francobritanics e capitèron de restablir una linha de defensa lòng de [[Piave]].
* sus lo frònt balcanic, de combats aguèron luòc a l'entorn de la vila de [[Batalha de Monastir (1917)|Monastir]] (12 de març - 26 de mai). Permetèron ais Aliats, principalament lei Francés e lei Sèrbes dins aquel endrech dau frònt, de desgatjar en partida la vila. Dins aquò, poguèron pas empachar l'artilhariá germanobulgara de contuniar de la bombardar ocasionalament.
 
==== [[Àustria-Ongria]] ====
44 527

cambiaments