Mexic : Diferéncia entre lei versions
Contengut suprimit Contengut apondut
Linha 99 :
=== Clima ===
Lo clima mexican presenta de variacions fòrça importantas liadas a la latitud, a l'[[altitud]] e au nivèu de precipitacions. D'efèct, Mexic es devesit entre doas zònas [[temperatura|termicas]] situadas d'un costat e de l'autre dau [[Tropic del Càncer|Tropic dau Càncer]]. Au [[nòrd]], se troba una zòna temperada ambé de [[temperatura]]s frejas dins lo corrent dei mes d'[[ivèrn]] e, au sud, se troba una zòna cauda ambé de [[temperatura]]s pron constantas tota l'[[annada]]. De mai, dins aquelei zònas, la temperatura evoluciona en foncion de l'[[altitud]]. Au sud dau [[Tropic del Càncer|Tropic dau Càncer]], lei temperaturas mejanas evolucionan generalament entre 24 e 28°C fins a {{formatnum:1000}} m, entre 16 e 20°C entre {{formatnum:1000}} e {{formatnum:2000}} e entre 8 e 12°C en delà de {{formatnum:2000}} m. L'altitud permet ansin de moderar la calor de l'[[estiu]].
Lei precipitacions mejanas varian abòrd segon la situacion [[geografia|geograficas]] e lei sasons. D'efèct, Mexic conoís de sasons umuda e seca marcadas. La màger part dei precipitacions an luòc entre junh e octòbre. En [[Califòrnia Bassa]], dins lo [[nòrd]]-[[oèst]] e una partida dau [[sud]], son fòrça feblas (300 a 600 mm anuaus) e lo [[clima]] i es [[Ariditat|arid]]. Dins lei regions sud, especialament dins leis endrechs pus poblats ([[Mexico]] e [[Guadalajara]]), lo nivèu mejan de precipitacions evoluciona entre 600 e {{formatnum:1000}} m. Lei territòris bas situats lòng dau [[Golf de Mexic]] recebon mai de {{formatnum:1000}} mm [[annada|anuaus]] (fins a {{formatnum:2000}} mm au sud-èst de Tabasco). Enfin, se pòu observar de tombadas de [[nèu]] dins certanei regions meridionalas e sus lei [[montanha|cimas]] pus autas.
De junh a novembre, lo país pòu èsser menaçat per de [[Ciclon tropical|ciclòne]]s venguts de l'[[Ocean Pacific]] ò de l'[[Ocean Atlantic]]. Lei [[vent]]s pòdon alora passar 200 km/h e èsser acompanhadas per de [[Pluèja|pluejas]] fòrça importantas entraïnant de degalhs grèus. Lei ciclònes atlantics entraïnan generalament mai de destruccions que leis auragans pacifics.
=== Demografia ===
| |||