Mexic : Diferéncia entre lei versions
Contengut suprimit Contengut apondut
Linha 401 :
=== Afaires estrangiers ===
Mexic es una poissança regionala que fa partida de la màger part deis organizacions internacionalas e regionalas pus importantas ([[ONU]], [[OMC]], [[Organizacion deis Estats Americans|OEA]], G20, OSCE... etc.). Après un periòde lòng de neutralitat relativa definida per la doctrina Estrada (non-intervencion dins leis afaires intèrnes deis autreis estats, reconoissença dei govèrns estrangiers...), lo govèrn mexican assaia dempuei l'acomençament dau sègle XXI d'adoptar una diplomacia novèla pus intervencionista. Es basada sus quatre axes principaus dictats per de rasons economicas que son lo desvolopament dei relacions ambé lei país d'[[America Latina]], lo melhorament dei relacions ambé leis [[Estats Units d'America]] tocadas d'un biais negatiu per lei trafecs de dròga entre lei dos estats, lo mantenement de relacions bònas ambé l'[[Union Europèa]] e lo desvolopament dei relacions amb [[Asia]].
Lo desvolopament dei relacions ambé l'[[America Latina]] es basat sus l'afirmacion d'una cultura comuna ais estats ispanofòns de la region. Es dictat per la volontat mexicana de tornar venir una poissança regionala importanta en [[America]] e per l'importància deis investiments mexicans dins aquelei país.
Lei relacions ambé [[Washington]] son fòrça importantas en causa dau ròtle dominant deis [[Estats Units d'America]] sus lo continent e de l'importància dei cambis economics entre lei dos territòris. D'efèct, [[USA|Estats Units]], [[Canadà]] e Mexic fan partida d'un mercat comun de liure comèrci dich ALENA qu'es vengut lo motor principau de l'economia mexicana. Pasmens, en causa dei trafecs frontaliers illegaus fòrça importants (dròga, imigracion...), lei relacions entre [[Mexico]] e [[Washington]] son sovent problematicas. L'objectiu principau dau govèrn mexican es donc de « normalizar » lei discussions entre lei dos país. De mai, lo sostèn dau govèrn estatsunidenc es important dins l'encastre de la lucha intèrna còntra lei cartèls.
La relacion amb [[Asia]] es considerada coma una prioritat en causa dau dinamisme economic de la region. Dos estats i an un ròtle important. Premier, [[Japon]] es un partenari ancian de Mexic que tèn d'interès importants dins l'industria nacionala. [[Republica Populara de China|China]] es un partenari novèu mai la relacion es fòrça desesquilibrada en favor de [[Pequin]] qu'importa relativament pauc de produchs mexicans.
=== Fòrças armadas ===
| |||