1930 : Diferéncia entre lei versions

Contengut suprimit Contengut apondut
Linha 22 :
[[File:Wladimir Gawriilowitsch Krikhatzkij - The First Tractor.jpg|thumb|right|Pintura oficiala celebrant la collectivizacion de l'agricultura sovietica.]]
 
Lassat de la lentor dau procès de collectivizacion de l'[[agricultura]], [[Stalin]] ordonèt son acceleracion. Prenguèt tanben de mesuras per rompre l'oposicion dei païsans rics (''kolaks'') que foguèron massivament arrestats e desportats après lo vòte d'una decision dau Comitat Centrau d'eliminar aquela « classa » sociala. Aquò entraïnèt una reaccion viva dei païsans que destruguèron lei recòltas, lo materiau e tuèron lei tropèus. En fàcia d'aquela resisténcia, Stalin deguèt marcar una pausa de març a junh avans d'engatjar de mejans pus importants a partir de julhet. En despiech de quauquei concessions (mantenement d'un jardin privat ambé la polalha e una partida dei tropèu), de milions de païsans foguèron desportats e la produccion foguèt totalament desorganizada entraïnant de [[famina]]s fòrça grèvas en [[1931]]-[[1932]]. Dins lo corrent de l'annada, acomencèron tanben de purgas novèlas (que demorèron limitadas fins a [[1934]]).
 
=== Mond ===