[[File:Cavalerie rues paris (1851).jpg|thumb|right|[[Cavalariá]] dins lei carrieras parisencas lo 2 de decembre durant lo còp d'estat de [[Napoleon III]].]]
A la fin de l'annada, [[còp d'estat]] dei bonapartistas menats per lo president [[Napoleon III|Loís Napoleon Bonaparte]]. Lo 2 de decembre, adoptèt una tiera de decrèts proclamant la dissolucion de l'Assemblada Nacionala, la restauracion dau sufragi universau masculin, l'organizacion d'eleccions anticipadas, la preparacion d'una [[constitucion]] novèla. Lei 20 e 21 de decembre, un [[plebiscit]]e foguèt organizat que permetèt de ratificar lo còp d'estat e de proclamar lo [[Segond Empèri Francés]] (92% de vòtes favorables).
La resisténcia foguèt febla dins la capitala car leis obriers, ostils ai republicans dempuei lei chaples de junh de [[1848]], se mobilizèron gaire per protegir lo regime. De mai, lo complòt èra ben preparat e {{formatnum:27000}} personas foguèron arrestadas d'un biais preventiu per afeblir leis adversaris de l'Empèri. La resisténcia principala se debanèt en [[Provença]]. Una partida dau nòrd de la region foguèt conquistada per una insureccion republicana. Lo 8 de decembre, una ofensiva de l'armada i foguèt [[Batalha dei Mès|batuda ai Mès]]. Dins aquò, totalament isolats, leis insurgents se dispersèron e leis imperiaus prenguèron lo contraròtle totau de la region dins lo corrent dau mes après quauqueis escaramochas suplementàrias.
