Lac Texcoco : Diferéncia entre lei versions

Lo '''lac Texcoco''' es un [[lac]] [[sau (quimia)|salat]] ancian situada dins la Vau de [[Mexico]]. Èra lo centre d'un bacin [[Endoreïsme|endoreïca]] d'aperaquí {{formatnum:2000}} km². Sei ribas foguèron un centre demografic important de [[Mesoamerica]]. Après l'afondrament de [[Teotihuacan]] e de la [[civilizacion toltèca]], i apareguèt la [[civilizacion astèca]] que venguèt la poissança dominanta de la region. Leis Astècs i bastiguèron una tiera de [[Paissièra|restanca]]s per contrarotlar lo nivèu dau lac e separar l'aiga doça e l'aiga salada. Aqueu sistèma foguèt destruch per leis Espanhòus durant lo [[sètge de Tenochtitlan]]. Aquò entraïnèt l'aparicion de vengudas deis aigas fòrça importantas dins la Vau de [[Mexico]] que causèron de degalhs importants dins la [[vila]]. Dins lo corrent dau sègle XVIII, leis [[Espanha|Espanhòus]] acomencèron donc d'assecar lo lac per assaiar de reglar lo problema dei vengudas deis [[aiga]]s recurrentas. Ambé d'autrei trabalhs realizats ai sègles XIX e XX, aquò permetèt de defugir de vengudas deis aigas grèvas dins la [[capitala]] [[mexic]]ana. Pasmens, l'amplor d'aquelei trabalhs entraïna d'ara endavant una manca d'aiga e [[Mexico]] s'enfonsa pauc a pauc dins lo sòu.