Teotihuacan : Diferéncia entre versions

m
pas cap de resumit de modificacion
m
'''Teotihuacan''' es una [[vila]] [[mesoamerica]]na dau [[Periòde Classic Mesoamerican|Periòde Classic]] situada dins la Vau de [[Mexico]] a 48 [[quilomètre]]s au [[nòrd]]-[[èst]] de la [[capitala]] [[mexic]]ana.
 
La formacion de la ciutat acomencèt probablament dins lo corrent dau sègle II avC belèu a l'iniciativa dei [[Totonaques]]<ref>La bastida de Teotihuacan es una revendicacion frequenta dei Totonaques dins lo corrent dei sègles seguents. Foguèt pas contestada per leis autrei pòbles [[mesoamerica]]ns mai l'[[arqueologia]] modèrna a pas descubèrt d'elements permetent de l'afirmar d'un biais segur.</ref>. Tre lo sègle seguent, venguèt una vila fòrça poblada e un centre intellectuau, culturau e religiós major dau periòde. Conoguèt son apogèu entre lo [[sègle III]] e lo [[sègle VI]]. Dins lo corrent d'aqueu periòde, sa populacion èra probablament situada entre {{formatnum:100000}} e {{formatnum:200000}} abitants e Teotihuacan èra alora la premiera vila dau [[continent]] e la seisena pus importanta dau mond. Èra tanben lo centre religiós pus important de [[Mesoamerica]] amb uneis edificis monumentaus, coma lei [[Piramida]]s dau [[Piramida dau Soleu|Soleu]], de la [[Piramida de la Luna|Luna]] e dau [[Piramida dau Sèrp de plumas|Sèrp de plumas]], bastits a l'entorn d'una lònga carriera dicha [[Cauçada dei Mòrts]]. Son influéncia intellectuala, culturala e religiosa aguèt de consequéncias importantas sus lei [[civilizacion maia|Maias]] e sus lo desvolopament dei [[civilizacion]]s ulterioras de la region. En particular, lo [[Quetzalcoatl|Sèrp de plumas]] e sa forma [[Quetzalcoatl]], divinitat que sembla originària de Teotihuacan, gardèron una importància gròssa fins a la conquista [[Espanha|espanhòla]] au sègle XVI. En revènge, l'existéncia d'un estat ò d'un empèri poderós centrat sus la vila es totjorn l'objècte de debats car, en fòrçafòra de l'importància dei vestigis descubèrts, ges d'element permet de l'establir d'un biais segur.
 
Lo declin de la [[vila]] acomencèt dins lo corrent dau sègle VI. Sei monuments principaus foguèron pilhats e cremats e la ciutat abandonada entre lei sègles VII e VIII. Lo scenari classic explicant aqueu declin es basat sus d'invasions dei nomadas chichimècs ò d'autrei vilas de la region. Pasmens, d'estudis pus recentas mòstran tanben la possibilitat d'un afondrament entraïnat per de crisis intèrnas, especialament de crisis [[agricultura|agricòlas]] que semblan venir recurrentas a partir deis annadas 530.
45 905

cambiaments