Sistèma immunitari : Diferéncia entre lei versions
Contengut suprimit Contengut apondut
Linha 84 :
En totei leis espècias presentant aqueu mecanisme, la seleccion clonala permet d'amplificar rapidament lo nombre de linfocits B especifics a un antigèn. La diferenciacion permet de produrre de [[plasmòcit]]s e de [[linfocit B de memòria|linfocits B de memòria]]. Lei [[plasmòcit]]s son destinats a la secrecion d'un tipe donat d'immunoglobulines (ò anticòrs<ref>Lei dos tèrmes son sovent utilizats coma sinonims. Pasmens, en realitat, leis anticòrs son una categoria d'immunoglobulines.</ref>) que pòu se fixar sus un antigèn donat. Lei quantitats secretadas son fòrça importantas mai la durada de vida d'un [[plasmòcit]] es limitada per defugir una reaccion excessiva. Leis immunoglobulines son capablas de se fixar sus un antigèn per lo neutralizar e per facilitar sa [[fagocitosi]]. Ne'n existís unei tipes diferents :
* leis [[immunoglobuline G|immunoglobulines G]] (IgG) son leis anticòrs pus frequents dins l'organisme en temps normau. Son produchas en reaccion a un antigèn donat e destinadas a la proteccion còntra lei [[bactèri]]s, lei [[virus|virüs]] e certanei [[toxina]]s. An un tanben un ròtle important dins la memòria immunitària ([[vaccin]]acion) e dins la proteccion dau [[fètus]].
* leis [[immunoglobuline A|immunoglobulines A]] (IgA) forman una barriera cargada d'aparar lei cellulas dei [[mucosa]]s e de la [[pèu]]. Son subretot presentas dins la saliva, lei lagremas, lo [[lach]] mairau, lei secrecions nasalas e lei secrecions dei [[sistèma digestiu|sistèmas digestiu]] e [[sistèma respiratòri|respiratòri]].
* leis [[immunoglobuline M|immunoglobulines M]] (IgM) son produchas en reaccion a un antigèn. Sa secrecion es rapide e es lo premier antigèn que se forma dins lo corrent de la respònsa a una [[infeccion]]. Sa preséncia dins lo [[sistèma circulatòri]] indica l'existéncia d'una [[infeccion]] dins l'[[organisme]].
* leis [[immunoglobuline D|immunoglobulines D]] (IgD) son situadas sus la membrana dei [[linfocit B|linfocits B]]. Permeton d'i fixar leis [[antigèn]]s.
* leis [[immunoglobuline E|immunoglobulines E]] (IgE) foguèron descubèrtas en [[2000]] dins lei [[mamifèr]]s e son encara mau conegudas. Son pus gròs que leis autrei tipes d'anticòrs e semblan liats ai [[mastòcit]]s, ai [[granulocit]]s [[basofil]]s e ai mecanismes d'inflamacion e d'[[allergia]].
Lei [[linfocit B de memòria|linfocits B de memòria]] son liats ai mecanismes de la memòria immunitària e permeton la [[vaccin]]acion.
| |||