Turquia : Diferéncia entre lei versions

Contengut suprimit Contengut apondut
Linha 66 :
 
=== Antiquitat ===
 
Dins lo corrent de l'[[Antiquitat]], [[Anatolia]] foguèt la region d'origina d'unei [[civilizacion]]s fins au sègle VI avC. Au milleni III avC, èra dominada per lei [[Hatti (pòble)|Hattis]] dau centre de la [[peninsula]] e, regualarament, sota l'influéncia economica deis estats poderós de [[Mesopotamia]] coma l'[[Empèri d'Akkad]] ò lo [[Empèri Assirian|Premier Empèri Assirian]]. Puei, a partir dau sègle XVII, l'aparicion de la [[civilizacion]] [[Ititas|itita]] entraïnèt la formacion d'un empèri poderós que demorèt en plaça fins a son afondrament au sègle XII avC, probablament destruch per lei [[Pòbles de la Mar]]. Après leis Ititas, leis estats principaus d'[[Anatolia]] foguèron lei principats neo-ititas, [[Frígia]] e [[Urartu]]. Pasmens, la region acomencèt de passar pauc a pauc sota lo contraròtle de sei vesins, especialament leis Assirians que dominèron l'[[Orient Mejan]] fins a la fin dau sègle VII avC. Conquistèron lo sud-oèst de la peninsula.
 
L'[[Empèri Aquemenida]] que succediguèt a l'[[Empèri Assirian]] coma poissança principala de la region dins lo corrent dau sègle VI avC conquistèt la [[peninsula]] [[anatolia]]na, compres lei [[ciutat-estat|ciutats-estats]] grègas situadas lòng de la [[Mar Egèa]] que venguèron l'enjòc de conflictes recurrents còntra lei ciutats de la [[Grècia antica|Grècia Antica]]. Au sègle IV avC, l'armada d'[[Alexandra lo Grand]] conquistèt la region que foguèt integrada au monde ellenic. A partir dau sègle II avC, [[Roma]] venguèt l'arbitre dei conflictes entre estats ellenics que foguèron annexats a cha un. En despiech d'unei temptativas pèrsas, Anatolia demorèt sota lo contraròtle de l'[[Empèri Roman]] fins a la fin de l'[[Antiquitat]].
 
=== Periòde bizantin ===