1871 : Diferéncia entre lei versions

Lei premierei decisions d'aquela chambra (installacion a [[Versalhas]], fin dau moratòri sus lei rendas adoptat durant la guèrra...) entraïnèt una rompedura rapida entre lei deputats e la populacion parisenca fòrça favorabla ai republicans. Dins lo corrent de març, una temptativa de Versalhas per prendre lo contraròtle de l'[[artilhariá]] parisenca entraïnèt l'insureccion de la [[capitala]] e la formacion d'un govèrn revolucionari dich [[Comuna de París (1871)|Comuna de París]]. Adoptèt una politica sociala fòrça avançada mai mau capitèt d'organizar de fòrças armadas eficaças. A partir d'abriu, la [[guèrra civila]] acomencèt entre lo govèrn provisòri de [[Versalhas]] dirigit per [[Adòlf Tièrs]] e la Comuna. Aprofichant sa superioritat numerica gràcias au sostèn de l'armada regulara, lei fòrças de Versalhas avancèron pauc a pauc en despiech de la resisténcia acarnada de pichonei tropas parisencas. Entre lo 21 e lo 28 de mai, lei tropas versalhesas intrèron dins [[París]] que foguèt conquistat après una setmana de combats. Una repression saunosa foguèt alora mesa en plaça còntra lo movement revolucionari que perdèt aperaquí {{formatnum:40000}} òmes ({{formatnum:10000}} dins lei combats, {{formatnum:20000}} fusilhats e {{formatnum:10000}} presoniers ò exilats). Lo movement socialista parisenc perdiguèt son influéncia fins a la fin dau sègle XIX. Dins lo sud de [[França]], doas autrei comunas se formèron a [[Narbona]] e a [[Marselha]] mai foguèron rapidament reprimida per leis autoritats.

 

 

=== Euròpa ===