Anno Domini : Diferéncia entre lei versions

La lectura donada pel [[Codèx Bezae]] presenta pas de dificultat gramaticala e correspond a una revirada del grèc classic: « Aquel enregistrament s’averèt èsser lo primièr, Quirin èra governador de Siria ». Pasmens lo recensament fach per [[Publi Sulpici Quirin]] aguèt luòc en 6 de nòtra èra coma lo precisa l'istorian [[Flavi Josèp]] (Libre XVIII, cap. III). En mai de l'incoeréncia cronologica, lo tèxte de l'evangelista pausa d'autres problèmas istorics. Segon l'istorian Fergus Millar l'usatge que Luc fa del cens de Quirin, per explicar cossí Jèsus nasquèt a Betelèm, es « totalament enganós e anistoric<ref>« wholly misleading and unhistorical », F. Millar, 1994, p. 46</ref> ». Perque lo cens de Quirin foguèt pas espandit fins a Galilèa, onte viviá la familha de Jèsus, puerque aquela darrièra èra dirigida per [[Eròdes Antipas]] e èra pas encara partida de la província. La mencion del cens pòt doncas pas èsser retenguda coma indici cronologic.