Xiongnu

Lei Xiongnus èran un pòble nomada probablament d'origina turca asiatica de l'Antiquitat que formèt una confederacion poderosa entre lei sègles III avC e lo sègle II apC. La premiera mencion dins lei documents chinés data de 245 avC. Secutèron lei frontieras chinesas mai se turtèron a la dinastia Han qu'èra generalament pron poderosa per adoptar una politica militara ofensiva a respèct dei pòbles de l'estèpa. En 121 avC, lei Xiongnus acomencèron de faciar de desfachas importantas còntra leis armadas Han e, a partir de 80 avC, la confederacion representava plus una menaça vertadiera per lo còrd de l'Empèri Chinés. Aquel afebliment entraïnèt de revòutas entre lei pòbles vassaus dei Xiongnus. En 91, la darriera temptativa d'incursion sus lo territòri chinés s'acabèt per una desfacha saunosa e, en 155, una partida importanta dei Xiongnus ralièt la confederacion novèla dei Xianbeis.

Extension territòriala de la confederacion xiongnu vèrs 250 avC.

Liames intèrnes

• Empèris nomadas.