Reanimacion cardiopulmonara : Diferéncia entre lei versions

La purmèra fasa que consisteish en arreconéisher l'arrèst. Si'vs trobatz devant d'un pacient esvanit, que cau n'aprochar e ne mautar de las [[espatla]]s en dise'u : {{Cita|E'vs trobatz plan?}} {{Cita|Qué'vs passa?}}. Si parlèsse, s'obrisse los [[uelh]]s o sesi's mautèsse, fenitz la vòsta intervencion o, si calèsse, demandatz ajuda. Si non responèsse pas, cridatz tà demandar ajuda. Abans d'arreconéisher l'arrèst, que cau verificar lo pacient que respira. Metent la [[man]] mei pròcha deu [[Cap (anatomia)|cap]] deu pacient suu front, b'enclinatz lo cap a l'endarrèr. Eslhevatz lo menton de la victima dab l'estrem deus dits de l'auta man. Dab la via respiratòria obèrta valoratz la respiracion durant 10 [[segonda]]s. Observatz si lo torax e's mauta, escotatz los [[son]]s respiratòris e sentetz l'[[aire]] aledat sus la vòsta gauta. Si respira normalament, que cau metre lo pacient en posicion laterala de seguretat, shens pas jamei deishar-lo sus l'esquia. Si la victima non respirèsse pas normalament o si respirèsse dab aledadas tapatjosas, que's deu forçadament aperar lo 112 en mei de realizar un massatge cardiac.