Bangladèsh : Diferéncia entre lei versions

Contengut suprimit Contengut apondut
Linha 96 :
Lei causas de la lucha independentista dau [[Paquistan Orientau]] son nombrosas. De'n premier, la Liga musulmana, movement politic [[religion|religiós]] demandant la formacion d'un [[estat]] [[islam|musulman]] indian, i aviá una influéncia pus febla qu'au [[Paquistan Occidentau]] e magerament apareguda dins leis annadas 1940 après lo [[Chaple de Calcuta (1946)|chaple de Calcuta]]. Resistiguèt pas ai dificultats intèrnas de l'estat novèu après l'independéncia. Ansin, leis aspiracions politicas dei populacions dei dos Paquistan venguèron rapidament diferentas. Aquò foguèt agravat per la dominacion politica e economica dau Paquistan Occidentau coma l'impausicion de l'[[ordo]] coma [[lenga oficiala]] qu'entraïnèt l'organizacion d'un [[Movement per la Lenga]] en [[1952]] còntra lo govèrn centrau paquistanés. A partir de [[1962]], la [[Liga Awami]] capitèt d'unificar pauc a pauc lo maucontentament popular. En [[1966]], son cap [[Sheikh Mujibur Rahman]] foguèt arrestat puei liberat après una premiera insureccion en [[1969]].
 
En [[1970]], la catastròfa dau [[ciclòn Bhola]] e la reaccion marrida deis autoritats centralas aumentèt aqueu maucontentament que se transformèt en [[guèrra civila]] quand lo govèrn paquistanés eissit de l'elèit occidentala dau país empachèt la Liga Awami de formar lo govèrn après sa victòria ais eleccions de 1970<ref name="Historical Dictionnary XXIII">'''[[anglés|(en)]]''' Syedur Rahman, ''Historical Dictionary of Bangladesh'', Scarecrow Press, 2010, pagina xxiii.</ref>. Mujibur Rahman foguèt tornarmai arrestat e una guerilha independentista comencèt la lucha còntra l'armada paquistanesa. La violéncia de la repression causèt entre {{formatnum:300000}} e {{formatnum:3000000}} de mòrts e causèt lo desplaçament de 10 milions de personas en direccion d'[[Índia]]. Lo govèrn indian, inquiet en fàcia d'aquela arribada massiva de refugiats e desirós d'afeblir son advèrsari paquistanés, ataquèt e conquistèt aisament lo [[Paquistan Orientau]] en novembre-decembre de [[1971]] ([[Tresena Guèrra Indopaquistanesa]]) permetent l'independéncia de Bangladèsh lo 16 de decembre<ref name="Historical Dictionnary XXIII"/>.
 
=== Lo periòde de Majibur Rahman ===
Linha 102 :
{{veire|Sheikh Mujibur Rahman}}
 
Après l'independéncia, [[Sheikh Mujibur Rahman|Mujibur Rahman]] formèt lo govèrn bangladeshi en genier de [[1972]] e averèt leis eleccions de [[1973]]<ref name="Historical Dictionnary XXIII"/>. Deguèt faciar una situacion marrida en causa dei destruccions causadas per la guèrra d'independéncia e per lei pèrdas importantas de l'elèit bengalina dins lo corrent dau conflicte. Ansin, lo poder de la [[Liga Awami]] foguèt rapidament contestat e Mujibur Rahman proclamèt l'estat d'urgéncia en [[1974]] après una famina grèva en 1973-1974. Formèt un regime presidenciau autoritari basat sus un [[partit politic|partit]] unic fins a son assassinat lo 15 de julhet de [[1975]] per un còp d'estat militar.
 
=== Lo periòde de Ziaur Rahman ===
 
Après lo còp, lo generau [[Ziaur Rahman]] s'impausèt coma lo cap vertadier dau país<ref name="Historical Dictionnary XXIII"/>. En [[1977]], restabliguèt lo sistèma multipartista de 1973 e fondèt lo [[Partit nacionalista de Bangladèsh]] (BNP). Averèt leis eleccions e venguèt lo president de Bangladèsh fins a son assassinat durant un novèu còp d'estat militar en [[1981]]<ref name="Historical Dictionnary XXIII"/>. Pendent son periòde de poder, assaièt sensa succès vertadier de restaurar la situacion economica.
 
=== Lo regime militar ===
 
En [[1982]], lo generau [[Hossain Mohammad Ershad]] s'impausèt a son torn coma lo cap de Bangladèsh<ref name="Historical Dictionnary XXIV">'''[[anglés|(en)]]''' Syedur Rahman, ''Historical Dictionary of Bangladesh'', Scarecrow Press, 2010, pagina xxiv.</ref>. Ordonèt l'aplicacion de la lèi marciala e se proclamèt president en [[1983]]. Lo demorèt fins a [[1990]] après l'organizacion d'eleccions probablament trucadas en [[1986]] per legitimar son poder. Durant sa presidéncia, s'ocupèt de melhorar l'administracion dei zònas ruralas e preparèt un plan d'investiment industriau. Pasmens, a la fin de la [[Guèrra Freja]], l'abséncia de sostèn estrangier l'empachèt de resistir ai manifestacions entraïnats per la [[Liga Awami]] e lo [[Partit nacionalista de Bangladèsh|BNP]]<ref name="Historical Dictionnary XXIV"/>.
 
=== La democratizacion malaisada ===