Patric Lasseube

Patrick Lasseube, de còps ortografiat a l'occitana 'Patric Lasseube', es neishut le 8 de novembre de 1954 a Carbona. Es un òme politic occitanista.

Estèc un deus fondators deu Partit Occitan (PÒC) en 1986. Menèc una lista regionalista a las prumèras eleccions regionalas de 1986 ambe le sosteng deus Verds.

Centrista, pròcha de las idèas de François Bayrou, se sarrèc a la debuta de las annadas '90 de Dominique Baudis. Lo PÒC, ligat au PS a l'epòca, l'excludèc.

En 1995, pr'amor de la preséncia deu toponime Minjacebas sus la comuna de Sent Lis, on damòra, creèc l'associacion Pais de Catinou e Jacouti, en collaboracion ambe Carles Molin, qu'organiza cada an un importanta hèsta occitana.

Apèi bons escòres a las eleccions cantonalas e municipalas de Sent Lis, finís per èster maire de la comuna en 2001 a 2008.

Le siu mandat de maire permetèc de botar en plaça las idèas de l'occitanisme politic ; creacion d'un hons occitan a la mediatèca de Sent Lis, creacion en 2002 d'una seccion bilingua francés - occitan a las escòlas sentlisianas qu'amassa mès de 150 escolans en 2012, politica d'occitanizacion deus microtoponimes e de senhalizacion bilingua francés - occitan.

Se torna presentar en 2014 dins una lista deus Verds - MoDem, dirigida per Catherine Renaud. Signèc le manifèsta Bastir lançat per Dàvid Grosclaude.