Guèrra Freja : Diferéncia entre lei versions

Lei causas d'aquelei tensions foguèron lo començament de la politica de destalinizacion a partir de 1956 e la question dau contraròtle de Formosa. D'efèct, China comunista revendiquèt aquela illa ocupada per lei nacionalistas chinés protegits per leis Estats Units. D'escaramochas se debanèron en 1954 e 1958 dins l'estrech entre l'illa e lo continent. Pasmens, un desbarcament necessitava un sostèn sovietic. Òr, per mantenir la Coexisténcia, Moscó èra opausat a una ataca còntra [[Republica de China (Taiwan)|Taiwan]]<ref>'''[[francés|(fr)]]''' Marie-Claire Bergère, ''La Chine de 1949 à nos jours'', Edicions Armand Colin (2000), pp. 91-92.</ref>. Aqueu refús limitèt lei capacitats ofensivas chinesas e entraïnèt una critica de la politica sovietica per [[Mao]]. En 1959, la question entraïnèron divèrsei confrontacions intèrnas au sen dau Partit Comunista Chinés causant l'eliminacion de certanei generaus prosovietics<ref>'''[[francés|(fr)]]''' Marie-Claire Bergère, ''La Chine de 1949 à nos jours'', Edicions Armand Colin (2000), pp. 92-94.</ref>. Ansin, en [[1960]], quand lei Sovietics retirèron sei conselhiers tecnics de China per obligir Pequin de negociar e reconóisser la direccion sovietica sus lo blòt comunista, lei projèctes de Moscó mau capitèron e la rompedura venguèt definitiva<ref>'''[[francés|(fr)]]''' Marie-Claire Bergère, ''La Chine de 1949 à nos jours'', Edicions Armand Colin (2000), p. 97.</ref>.

Lei consequéncias d'aquela rompedura entraïnèron l'aparicion de tensions novèlas entre Èst e Oèst e la fin progressiva de la Coexisténcia Pacifica car la competicion sinosovietica per lo contraròtle dau blòt comunista va possar Sovietics e Chinés a marcar dei ponchs còntra leis Estatsunidencs. D'autra part, lei combats frontaliers entre l'Union Sovietica e China dins leis annadas 1960 obligiguèron l'Armada Roja de desplegar de fòrças importantas en fàcia de la frontiera chinesa (25 divisions e {{formatnum:1200}} aeronaus en 1968) e de bastir leis infrastructuras necessàrias per assegurar l'avitalhament d'aqueleis unitats. Puei, a partir de 1970, Pequin chausiguèt de cambiar totalament son estrategia e de se raprochar de Washington per equilibrar la poissança sovietica en Asia<ref>'''[[francés|(fr)]]''' Marie-Claire Bergère, ''La Chine de 1949 à nos jours'', Edicions Armand Colin (2000), pp. 239-241.</ref>. Ansin, fins a 1991, la confrontacion politica e militara entre Pequin e Moscó lòng de la frontiera comuna entre lei dos país e au sen dei movements comunistas internacionaus foguèt quasi similara a la Guèrra Freja entre leis Estats Units e l'URSS.