Periòde dei Primas e deis Autonas : Diferéncia entre lei versions

Lo '''Periòde dei Primas e deis Autonas''' es un periòde tradicionau de l'Istòria de [[Republica Populara de China|China]] que se debanèt de [[-722|722]] a [[-481|481 avC]]. Fuguèt caracterizat per la division dau país après lo periòde de dominacion de la [[dinastia Zhou]]. D'efèct, a partir dau sègle VIII avC, lo domeni reiau dei Zhou e lei principats centraus de Zheng, de Wei, de Chen, de Song e de Lu formèron lo país centrau que gardèron lei tradicions chinesas. En revènge, lei principats perifericas de Yan, de Jin, de Qin, de Chu, de Wu e de Qi desvolopèron de trachs culturaus novèus au contact d'autrei culturas. Pasmens, lei cambis entre leis elèits de cada Cort permetèron de gardar l'unitat de la civilizacion chinesa e mai d'una idèa novèla apareguèt durant aqueu periòde.

 

En particular, [[Confuci]] ([[-551|551]] - [[-479|479 avC]]) desvolopèt seis idèas sus l'òrdre politic, sus lo sobeiran e la moralitat de dirigir l'estat segon leis interès dau pòble que gardèron una influéncia majora sus la filosofia chinesa. D'autrei, coma Shang Yang (vèrs 390 - [[-338|338 avC]]), defendiguèron la creacion d'un estat basat sus l'eficacitat e un sistèma codificat de recompensas e de castigaments. Enfin, apareguèt lo taoïsme qu'èra a l'origina una filosofia basada sus la necessitat per l'òme de respectar lei lèis de la natura. Va evolucionar, en reaccion au confucianisme e ai sistèmas codificats, vèrs un modèl d'individualisme e va inspirar divèrsei rites religiós populars.

== Nòtas e referéncias ==

<references/>