'''Rodrigo''' siguec rei des [[visigòt]]s d'[[Espanha]] deth [[710]] ath [[711]]. Ère hilh deth comde Teodofred e arrèrhilh deth rei Khindasvint. Demorèc a [[Còrdoa]] e siguec hèt duc de [[Betica]]. En morir [[Vitiza]] eth 710, es sòns enemics l'elegiren rei. Es hilhs de Vitiza se refugièren a [[Ceuta]], on governaue eth comde Olbà, dit tanben Julian, jos eth domèni de Mūsà ibn Nusayr. Damb eri negocièren ua ajuda entà recuperar eth tròn e er auviatge familhar. Mentre que Rodrigo assetjaue Pamplona[[Pampalona]] e lutaue contra es bascs revoltadi, es arabis, comandats per [[Tariq ibn Ziyad]] e ajudadi per Olbà, passèren er Estret e s'establiren en lòc dempús nomentat [[Gibartar]]. Rodrigo tornèc a Còrdoa, amassè era armada e en confièc es dues ales as hrairs de Vitiza. Mūsà envièc rehortiments. Se liurèc era batalha ath miei des viles de Medina Sidònia e Vejer de la Frontera, pròp der estanh de La Janda, e durèc des deth 19 enquiath 26 de junhsèga de [[711]]. Es vitizans abandonèren era armada, e eth centre d'aguesta siguec destruïda. Rodrigo despareishec; probablament morí ara batalha, se ben se parle dera existéncia deth son sepulcre a Visèu, en Lusitània, on se deuie refugiar. Era legenda dera hilha de Julian (nomentada ''era Cava''), antada per Rodrigo, coma causa dera entrada aràbia en [[Espanha]], non es estada istoricament demostrada.
