Magma : Diferéncia entre lei versions

Lo magma es un materiau [[ròca|rocassós]] en fusion e non cristalizat que sa consisténcia es fluida o viscosa. Contèn tanben de [[gas]] [[volcan]]ics en solucion e qu'es formada a partir de la [[fusion]] totala o parciala dau [[mantèu]] [[Tèrra|terrèstre]]. Es a l'origina dau volcanisme a la superficia terrèstre. D'efèct, lo magma remonta generalament vèrs la superficia en causa de sa [[densitat]] pus febla. Forma alora de sèrvas dins la [[litosfèra]] onte va subir una cristalizacion parciala o totala e un començament de desagatge. Se la pression o la coesion dei jaç geologics a l'entorn de la sèrva son pas sufisentas per lo contenir, lo magma va contuniar de remontar de lòng d'una chaminèia volcanica fins au volcan. Quand lo magma aganta la superficia, forma de produchs volcanics solids coma la lava o lei tefras.