Galèrna : Diferéncia entre lei versions

Una '''galerna''' es un temporal subte e violent amb fòrtes bofadas de vent de l'oèst al nòrd-oèst corrent a la [[Mar Cantabrica]] e sas còstas, en general en primauera e al ser. S'engloba dintre de las nomenadas Pertorbacions Atrapadas a la Còsta (PAC, en anglés Coastal Trapped Disturbance). Apareisson dins de jorns calorosos e quiets dins los quals l'arribada d'un front frèg ven acompanhat d'un cambi brusc de la direccion e l'intensitat del vent, que pòt superar los 100 km/h, lo cèl escura e se produsís una fòrta descenuda de la temperatura, dins a 10 ºC, e un aument rapid de la pression atmosferica. La mar pòt tornar espessa o montanhosa e se produsisson pluejas cortas mas intensas. Las galernas son temudas per los òmes de la mar per que son un fenomèn meteorologic d'extrèma violéncia e que s'an emportat nombrosas vidas entre los marinièrs. La mai rebrembada foguèt la galerna que se produsiguèt lo 20 d'abril de 1878, tristament coneguda coma la Galerna del Dissabte de Glòria e que José María de Pereda recuelheria dins son roman ''Sotileza''. Aquela tarde tota la poblacion de las vilas pescadoiras anava als pòrts e a la còsta en vesent lors familhars sajar ganhar la còsta a bòrd de [[barca]]s e [[chalutièr]]s. Perderián la vida 322 pescadors ennegats a la [[Mar Cantabrica]] (132 cantabres e 190 bascs) e la commocion provocada al païs seriá fòrça important. A comptar d'aqueste desastre s'introdusirián melhoras dins la navegacion (cubèrta corruda, informacions meteorologicas, salvament de naufrags...). Aladonc, s'evitarià pas que las successivas galernas contunhèssen en produsissent de victimas. Atanben foguèron importants las dels ans 1912, 1914, 1961 entre autras.