Etologia : Diferéncia entre lei versions

L''''Etologia''' significa etimologicament « ''sciéncia dels mors'' » (''ethos'' : « mors », ''logos'' : « estudi/sciéncia »). Es en fach l'estudi del compòrtament [[animal]] tal coma es benlèu observat en mitan natural. Òm situa las originas d'aquesta sciéncia al [[sègle XVII]], mas lo nom data de [[1854]] (primièra utilizacion coneguda per [[Étienne Geoffroy Saint-Hilaire]] (1772-1844)). Lo sens restrench e modèrne donat al mot d'''etologia'' fa pr'aquò referéncia a una sciéncia mai recenta : es l'estudi objectiu e scientific dels compòrtaments animals inspirat per las òbras de [[Konrad Lorenz]] (1903-1989) e [[Nikolaas Tinbergen]] (1907-1988) dins la primièra mitat del [[sègle XX]]. De mai cal inclure dins aquesta significacion l'estudi comportamental dels èssers umans e de las relacions òme-animal. Lo principi de basa de l'etologia es d'utilizar una perspectiva biologica per explicar lo compòrtament, aquela sciéncia es tanben nomenada « biologia del compòrtament ».