Carri de combat : Diferéncia entre lei versions

Lei premierei proposicions per desvolopar de veïculs [[Blindatge|blindats]] capables d'atacar de linhas enemigas aparaguèron au començament dau [[sègle XX]]. Per exemple, en [[1912]], l'[[Austràlia|Australian]] [[Lancelot Eldin De Mole]] prepausèt a l'[[Fòrças armadas britanicas|armada britanica]] la construccion d'un veïcul canilhat e blindat per lo transpòrt de soudats. Pasmens, l'idèa foguèt replegada en causa de la feblessa de la [[Motor de combustion|motorizacion]]. De mai, lei generaus èran encara partisans de la [[cavalariá]] e l'utilizacion d'aquelei veïculs èra pas encara compresa.

La situacion cambièt a partir dau començament de la [[Primièra Guèrra Mondiala|Premiera Guèrra Mondiala]] en [[1914]]. D'efèct, après un premier periòde de [[guèrra]] de movement, cada armada foguèt rapidament blocada per de sistèmas de trencadas fòrça defenduts onte l'[[infantariá]] e l'[[artilhariá]] avián de dificultats majoras per rompre la defensa. [[Reialme Unit|Britanics]] e [[França|Francés]] acomencèron d'estudis per desvolopar de veïculs capables de passar lei trencadas[[trencada]]s donant naissença au concèpte de carris de combats.

La premiera utilizacion aguèt luòc lo 15 de setembre de 1916 per lei Britanics e lo 16 d'abriu de 1917 per lei Francés. En causa de problèmas de motorizacion o de [[Clima|condicions climaticas]] malaisadas, aqueleis assais s'acabèron per de reviradas. Pasmens, aquelei desfachas empachèron pas de contuniar lo desvolopament de carris novèus e l'eliminacion dei premiers problèmas observats coma la feblessa dau blindatge, la velocitat tròp lenta o la posicion dei resèrvas de [[carburant]].

En novembre de 1917, lei carris britanics obtenguèron lor premier succès a la [[batalha de Cambrai]]. L'annada seguenta, lo carri leugier [[Renault FT-17]] va revolucionar lo principi gràcias a son armament en [[torrèla]] pivotant a 360°, sei doas canilhas e son motor situat dins la partida de darrier. Fòrça rapide e fisable per son epòca, aqueu carri serà largament adoptat per leis Aliats ([[França]], [[Estats Units d'America|Estats Units]], [[Belgica]]... etc.) e va impausar son arquitectura a la màger deis autrei carris que foguèron creats ulteriorament.