La '''senhoriá''' (var. '''senhoria''') era una'na institucion medievala e moderna occidentala qu'assegurava l'enquadrament economic e judiciari de las populacions per un individú o una'na persona morala qu'exercissiá pas necessàriament la sobeiranetat. La senhoriá era una'na realitat distinta dau [[Fèu|feu]], qu'era un daus mòdes d'exercici de la senhoriá, emb l'[[alòdi]].
Era un [[ensems]] de terras, de proprietats fonzieras, de drechs e de [[redevença]]s. Era dins una'na certana mesura, l'eretiera de la ''villa'' de l'[[Antiquitat]] Tardiva au mesme temps que la resultanta de l'espargiment dau poder public avans l'an Mila. La senhoriá era lo quadre privilegiat per lo quau l'aristocracia medievala assegurava sa preeminéncia sociala, economica e politica. La limitacion de las prerogativas senhoralas fuguet un daus biais per lo quau lo poder daus [[estat]]s s'afirmet a la fin de l'[[Edat Mejana|epòca medievala]] e durant l'[[Edat Modèrna|epòca moderna]]. Dins certans país coma lo [[Reiaume Unit]] subsistissen enquera de las realitats derivadas de la senhoriá.
S'estima entre {{formatnum:40000}} e {{formatnum:50000}} lo nombre de senhoriás en [[França]] au [[segle XVIII]].
