|speriòdeab=[[Edat del coire]] [[Edat del bronze]] [[Edat del fèrre]]|speriòde=[[Antiquitat]] [[Edat Mejana]] [[Epòca modèrna]]|speriòdeap=[[Epòca contemporanèa|uèi]]}}
L''''Antiquitat''' o l''''Edat Antica''' es lo primièr periòde de l'Istòria ; comença ambé l'invencion de l'[[escritura]]. Pasmens, dinc lo cas de l'Egipte per exemple, las darrièras descobèrtas mòstron qu'aquela invencion correspond pas totjorn a una rompuda dinc los autres domenis de la civilizacion. L'emplec de l'escritura favoriza l'aparicion de l'estat; çaquelà se coneisson d'estats sens escritura coma l'Empèri [[incà]], e dinc lo cas de l'Egipte, l'invencion de l'escritura es un processús que se pòt seguir a travers l'estilizacion progressiva dels pictogramas dels vases del IV<sup>en</sup> millenari. <br/>
Las primièras civilizacions de l'Antiquitat espeliguèron vers 3000 abans N.S. gràcias a de condicions favorablas coma lo cambiament climatic consecutiu a la fin del darrièr periòde glaciari, que permetet l'invencion de l'agricultura ; mai precisament las anam trobar dins de regions coma [[Mesopotamia]] e [[Egipte]], ont los flumes permeton d'asaigar. Aquò fai del Pròche Orient e del bacin mediterranenc un grand fogal de civilizacions, amb en mai de la civilizacion egipciana que floriguèt tres mila ans, [[Sumer]], [[Babilònia]], los empèris [[assirian]] e [[hitita]], los [[fenicians]] e los [[ebrieus]], [[Grècia]] e [[Roma]].
D'autres fogals de civilizacion foguèron lo d'Indus, que se coneis plâ mal, e de sègles daprès las civilizacions d'Índia e de China. <br/>
Se remèrca qu'en Mesopotamia coma en Egipte, en [[China]] e en [[Índia]], la naissença de l'Estat es ligada a la necessitat d'una autoritat fòrta per l'organizacion de l'asagada. D'unes penson quitament que l'Estat nasquèt d'aquela necessitat : aquela ipotèsi se sona ''ipotèsi idraulica de la naissença de l'Estat''; mas es debotada pels istorians serioses.
