Cir II lo Gran : Diferéncia entre lei versions

Lo nom Cir vèn de la forma [[latin|latinizada]] d'una forma grèga dau nom pèrs ancian Kūruš que significava probablament « coma lo Soleu »<ref>'''[[anglés|(en)]]''' Rüdiger Schmitt, ''Cyrus I, the name'', Edicions Routledge & Kegan Paul (2010), p. 515.</ref>. Aqueu nom èra ja aqueu de son grand, Cir I{{èr}}, car donar lo nom de son paire a son fiu èra alora una tradicion pèrsa<ref>'''[[anglés|(en)]]''' Schmitt, R., ''"Iranian Personal Names i.-Pre-Islamic Names"'', Encyclopaedia Iranica, '''Vol. 4''', ''"Naming the grandson after the grandfather was a common practice among Iranians"''.</ref>. En revènge, la data de sa naissança, entre 600 e 575 avC, es mau coneguda e lei fònts pertocant sa jovença e sei premiereis annadas son raras. Coma d'autrei sobeirans antics, una legenda foguèt escricha per depintar sa jovença e justificar seis accions quand venguèt rèi, especialament la guèrra còntra Astíages. Ansin, la màger part deis informacions coneguts regardan sa familha, sei maridatges e seis enfants.

Segon [[Erodòt]] e la legenda principala<ref>'''[[anglés|(en)]]''' ''Stories of the East From Herodotus'', ''The Birth and Bringing Up of Cyrus'' (capitól V), pp. 66–72.</ref>, Cir II èra lo fiu de Cambís I{{èr}} e de Mandane, filha dau rèi mède Astíages. Òr, Astíages pantaièt que son felen prendriá rèi a sa plaça : ordonèt donc au generau Harpagos d'eliminar l'enfant. Pasmens, Harpagos volguèt pas venir lo murtrier e preferiguèt fisar l'enfant a Mitridatès, lo boièr de la Cort reiala dei Mèdes. Mitridatès utilizèt un còrs de ninet ja mòrt per enganar Astíages. L'astúcia foguèt descubèrta dètz annadas pus tard. Dins lo corrent d'un jòc, Cir tenguèt lo ròtle dau rèi e donèt una punicion sevèra au fiu d'Artembarès, un noble mède. Artembarès denoncièt aqueu comportament au rèi Astíages que reconoguèt son felen. Per venjança, organizèt un festin ambé lei rèstas dau fiu d'Harpagos e i invitèt son generau. En revènge, lei mascs reiaus assegurèron lo rèi mède de la disparicion de la menaça car l'enfant aviá tengut lo nom de rèi durant lo jòc. Cir foguèt donc esparnhat e remandat dins sa familha vertadiera per Astíages.