|imatge=[[image:Dordogne.jpg|left|thumbnail|280 px|Dordonha en [[Perigòrd]]]]
|longor=490
|Debit mejan=285
|comuna=Brageirac
|superf. bacin=24 000
|regime=
|Se geta dins=l'Ocean atlantic
|bacin fluv. coll=Dordonha
|país= [[França]]
}}
'''Dordonha''' es un riu d'[[Occitània]], dins lo [[Massís Central]] e lo [[bacin Aquitan]]. Nais en [[Auvèrnhe (Occitània)|Auvèrnhe]], passa en [[Lemosin (Occitània)|Lemosin]], en [[Carcin]], en [[Peiregòrd]] e se geta dins [[Garona]].
La val de Dordonha es classada [[Villes et Pays d'Art et d'Histoire|País d'Art e d'Istòria]].
== Ribièra o flume ? ==
Dordonha se jonh a [[Garona]] per formar l'estuari de [[Gironda (estuari)|Gironda]]. Per aquò, es qualifiada de ribièra dins mai d'un diccionari e mai d'una enciclopedia, tanben per lo ''Service d'Administration Nationale des Données et Référentiels sur l'Eau'' (SANDRE). Pasmens, de mai en mai d'organismes regionals, per exemple lo ''Comitat de Bacin Ador-Garona'' o bentot ''l'Etabliment public territorial del bacin de Dordonha'' (EPIDOR) la qualifian de flume, que consideran que [[Gironda (estuari)|Gironda]] es un estuari comun a Garona e Dordonha. Se la causida impòrta gaire per l'apelacion del riu, implica tot parièr una ierarquizacion diferenta del o dels bacins aigapendents.
==Etimologia==
A l'encontrari de çò que se ditz o legís de còps, lo nom de Dordonha a pas per origina l'assemblatge dels rius nomenats ''Dora'' e ''Donha''. Son nom latin era ''Durānius'', citat per [[Sidòni Apolinari]], e veniá de la rasiga preceltica ''dur-'' (coma [[Durença]], [[Drona]],...). Pro lèu, lo nom subissèt una dobla sufixacion en ''-onna'' (aquel sufixe se tòrna trobar dins [[Garona]], [[Drona]], [[Lisona]],...), per donar ''dur-on-onia''. Trobam aital ''Dorononia fluvius'' ([[Gregòri de Tors]], sègle VI), ''Dornonia'' (sègle VIII), per acabar sus l'occitan ''Dordonha''.
== Geografia ==
Dordonha nais sus las pendas del [[Puèi de Sanci]] (1 885 m, [[Puèi Domat]]), de l'union de dos torrents : la ''Dora'' e la ''Donha''.
S'acaba dins [[Gironda (estuari)|Gironda]] al bèc d'[[Ambés]] ([[Gironda]]), en un [[estuari]] comun amb [[Garona]].
==Idrografia==
Son debit de 400 m3/s al bocal pòt venir 5 500 m3/s en temps de creguda. Dordonha es de navigar mas a l'aval de [[Liborna]].