Juli Cesar : Diferéncia entre lei versions

Contengut suprimit Contengut apondut
Linha 61 :
 
Au començament de la guèrra civila, lei fòrças de Pompèa èran pus nombrosas. Pasmens, aviá pas dirigit d'operacions militaras dempuei un nombre grand d'annadas e sei conselhiers èran magerament de politicians. En fàcia, lei tropas de Cesar, en campanha dempuei [[-58|58 avC]], èran pus experimentadas, fòrça fidèlas e avián una organizacion melhora. Conquistèron donc aisament lo rèsta d'Itàlia mai Pompèa capitèt de s'embarcar a Brindisi. Cesar se dirigiguèt alora vèrs Espanha per eliminar una basa importanta dei partisans de Pompèa. En camin, deguèt tanben conquistar Marselha que se revòutèt en causa dei consequéncias economicas marridas per la vila de l'ocupacion romana de Gàllia. La ciutat grèga capitulèt en mai de [[-49|49 avC]] e Espanha en aost. En [[-48|48 avC]], Cesar poguèt donc rintrar a Roma onte un Senat reduch li donèt la carga de dictator.
 
Puei, Cesar anèt en Epira e en Tessalia per atacar lei fòrças principalas de Pompèa. Maugrat de condicions malaisadas còntra de tropas numericament fòrça superioras, capitèt de vencre son advèrsari a [[Batalha de Farsàlia|Farsàlia]]. Sensa armada après aquela desfacha, Pompèa fugiguèt en Egipte onte será assassinat per Ptolemèu XIII enterin que Metellus Scipion e Caton partiguèron organizar de fòrças novèlas en Africa. Desbarcat a son torn en Egipte, Cesar decidiguèt de rebutar Ptolemèu XIII per l'assassinat de son rivau e participèt ai combats per la succession entre Ptolemèu XIV e Cleopatra VII. Puei, defendiguèt lei províncias orientalas romanas còntra una ofensiva dau rèi de Pont gràcias a un succès a [[Batalha de Zela|Zela]]. Foguèt a l'occasion d'aquela campanha corta que Cesar auriá escrich sa frasa famosa ''« Veni, Vidi, Vici »'' (''« Siáu vengut, ai vist, ai vencut »'') per marcar la rapiditat de sa victòria. Enfin, acabèt son viatge egipcian per una visita dau país ambé la rèina Cleopatra.
 
Enfin, a partir de l'ivèrn [[-46|46 avC]] fins a la prima de [[-45|45 avC]], Cesar s'ocupèt d'eliminar lei darrierei fòrças dei partisans de Pompèa. Lo 6 d'abriu de [[-46|46]] avC, la victòria de [[Batalha de Tapsus|Tapsus]] li permetèt de prendre lo contraròtle d'Africa. Enfin, lo 17 de març de [[-45|45 avC]], lo rèsta dei tropas pompeianas foguèron anientadas a [[Batalha de Munda|Munda]] marcant lo succès finau de Cesar dins la guèrra civila.
 
=== La fondacion d'un òrdre roman novèu ===