Archipèla : Diferéncia entre lei versions

Un '''archipèla''' es un ensemble d'[[illa]]s pron pròchas leis unas deis autrei ; lo pus sovent, an una origina [[geologia|geologica]] comuna.

Dins lo [[drech internationau]] e lo [[drech de la mar]], la nocion d’'''[[Estat archipèla]]''' designa un Estat qu'es constituit entierament per d'un archipèla o mai, e eventualament d'autreis illas.

En [[geografia]], la nocion d''''archipèla''' evòca tanben de fenomèns que s'inscrivon dins quauqueis espacis limitats. Per exemple, dins l'estudi de l'economia mondializada actuala, de geografs coma [[Pierre Veltz]] parlan d'una « economia d'archipèla » : l'economia mondiala es contrarotlada a partir d'un nombre limitat de [[metropòli]]s ben reliadas entre elei per de mejans de comunicacion performants, dei rotas maritimas ai [[telecomunicacion]]s. Aquelei metropòlis apareisson coma un archipèla d'illas isolat sus una mar.

Lo mot '''Archipèla''' vèn dau [[Grèc (lenga)|grèc]] ''Archipelagos'', literalament « mar principala ». D'efècte, a l'origina, aqueu mot designava la [[mar Egèa]], caracterizada per son grand nombre d'illas (lei [[Cicladas]], leis [[Esporadas]], [[Salamina]], [[Eubèa]], [[Samotràcia]], [[Lemnos]], [[Samos]], [[LesbosLèsbos]], [[Quios]], [[Ròdes]], etc.). Quand la màger part d'aqueleis illas foguèron levadas a l'[[Empèri Bizantin]] au començament dau sègle XIII per [[Marco Sanudo]], generau [[Venècia|venecian]], aquest foguèt fach ''duc de l'Archipèla''.