Bibliotèca : Diferéncia entre lei versions

A partir de l'invasion barbara, las sciéncias e las letras se refugiguèron dins los [[Monastèri|monastèris]] e las [[Catedrala|catedralas]] que venguèron los centres unics del saber d'aquela epòca, e cal doncas anar dins aqueles per trobar de bibliotècas en [[Euròpa occidentala]] fins a la fin de l'[[Edat Mejana]]. Los documents dels sègles IX, X e XI parlan frequentament de las colleccions de libres que los evesques daissavan per testament a las bibliotècas de glèisas e de monastèris. E notòria es la sollicitud que los monges desplegavan per las conservar e las enriquesir. Mas de talas bibliotècas comptavan en general pas gaire d'exemplars. La primièra mencionada en [[Espanha]] foguèt la de sant Martin de Braga dins lo sieu monastèri de Dumis (uèi part de Portugal) a l'entorn de l'annada 560 ; seguiguèron pendent lo [[sègle VII]] la de Isidòr de Sevilha e la de Brauli de Saragossa. Al [[sègle XIII]] prenguèron d'importància las bibliotècas dels palais de reis e magnats, aquò contunhava de crèisser de sègle en sègle, e foguèron celèbras las de Alfons X de Castelha, de Jaume II d'Aragon e de sos successors.