Tractat de Versalhas : Diferéncia entre lei versions

Contengut suprimit Contengut apondut
Linha 146 :
 
==== Leis ambicions italianas e la paralisi de la SDN ====
 
[[Fichièr:La Domenica del Corriere 1936 december 27.jpg|thumb|right|Representacion de la victòria italiana durant sa conquista d'Etiopia per un jornau italian.]]
 
En fòra d'Alemanha, lei còps principaus còntra lo sistèma de Versalhas foguèron mandats per lo govèrn italian que desirava contentar seis ambicions d'expansion. En particular, Itàlia va precipitar la fin de la SDN en 1935 quand lo país decidiguèt de conquistar Etiopia. Lei dos estats èran membres de la SDN que leis estatuts enebiguèsson la guèrra entre membres. Pasmens, maugrat l'agression, la Societat reagiguèron pas puei impausèron de sancions gaire geinantas per l'esfòrç de guèrra italian. En 1936, après la victòria italiana, aquelei sancions foguèron rapidàment levadas mostrant clarament la paralisi de l'organizacion quand lei poissanças grandas èran implicadas.
 
==== La destruccion finala dau sistèma de Versalhas ====
 
[[Fichièr:Bundesarchiv Bild 183-1987-0922-503, Wien, Einmarsch deutscher Truppen, Spähpanzer.jpg`|thumb|right|Intrada dei tropas alemandas en Àustria.]]
 
Après sei reviradas de [[1936]], la SDN e lo rèsta de l'òrdre de Versalhas foguèron destruchs per lo nacionalisme alemand. D'efèct, a partir de 1938, lei violacions dau tractat venguèron pus grèvas ambé la contestacion victoriosa dei frontieras de 1919 per Hitler a partir de 1938. Lo premier element foguèt l'annexion d'Àustria en [[1938]] que suscitèt ges de reaccions importantas deis autrei país europeans. Hitler poguèt donc conclure que l'utilizacion de la fòrça èra una solucion per satisfaire leis ambicions d'Alemanha nazia. En setembre de [[1938]], sensa que la SDN foguèt consultada, ocupèt donc [[Checoslovaquia]] après leis acòrs de Munic negociats ambé França, Reiaume Unit e Itàlia e pertocant la minoritat alemand d'aqueu país. Dins aquò, aquela conquista, non prevista dins leis acòrds iniciaus, decidiguèt França e Reiaume Unit de resistir ais Alemands. Ansin, en [[1939]], aquelei dos país s'opausèron ais ambicions alemandas a prepaus de Polonha marcant en setembre de 1939, lo començament de la Segonda Guèrra Mondiala e la fin finala dau sistèma de Versalhas.