La '''basilica de Sant Sarnin''' es un dels edificis emblematicsreligioses mai importants d'[[Occitània]], e subretot lo mai emblematic de [[Tolosa]], ([[OccitàniaLengadòc]]). Es un santuari bastit per recaptar las relíquias de [[Sant Sarnin]], avesque de Tolosa, [[martir]]izat en [[250]]. La [[carrièra del Taur]] que mena de la [[plaça del Capitòli (Tolosa)|plaça del Capitòli]] a la [[basilica religiosa|basilica]] tira d'efièch son nom de las circonstàncias del martiri, Sarnin essent estat trach per un taure furiós per çò qu'èra una rota sortissent de la vila. L'edifici sèrva 260 capitèls romanics<ref>Georges Duby, Jean-Luc Daval, ''La sculpture, ...'', pagina 276</ref> e es lo simbòl de l'arquitectura romanica occitana. [[Tolosa]] recebiá la visita de nombroses romieus pel Camin de [[Sant Jaume de Compostèla]], o venguts onorar las relíquias de Sant Sarnin. Sant Sarnin foguèt puèi un dels pus importants centres de pelegrinatge de l'Occident [[Edat Mejana|medieval]]. Venguèt monument istoric en 1840 e es estada inscricha al [[Patrimòni Mondial de l'UNESCO]] en 1998.
