Dinastia Ming : Diferéncia entre lei versions

Après sa victòria còntra lei Yuan, Hongwu reinèt fins a sa mòrt en 1398. Durant son rèine, assaièt de restaurar l'economia dau país e contunièt la consolidacion de son poder. Dins lo domeni economic, decidiguèt d'ajudar lo desvolopament de l'agricultura per l'adopcion d'una imposicion limitada e la realizacion de trabalhs publics permetent de plantar tornarmai de forèsts, de transportar lei marchandisas gràcias a la restauracion de canaus o de vias e d'aigar lei culturas. Dins lo domeni militar, reorganizèt lei tropas per gardar un nivèu important de sòudats e empachar un retorn dei Mongòls. Ansin, en [[1393]], l'armada chinesa regulara dispausava de {{formatnum:1200000}} d'òmes. Enfin, au nivèu interior, l'emperaire eliminèt sei rivaus e un nombre grand de cortesans per una politica de purgas e d'execucion. Per exemple, foguèt lo cas dau Cancelier Hu Weiyong, sospichat de complòt en [[1380]], que sa mòrt va permetre ais emperaires Ming d'aver un contrarotlecontraròtle mai dirècte sus leis afaires dau govèrn a respèct dei dinastias precedentas.