Periòde Predinastic egipcian

Lo periòde predinastic qu'ei ua division de l'istòri de l'Egipte antic qui precedeish l'Epèri ancian (que comença a l'entor de -3000). Qu'ei un temps mau documentat de quan l'escritura ieroglifica n'èra pas autant acabada com ac hore a partir de l'Empèri Ancian (los ieroglifs d'aqueth temps que son mei que mei figuratius, au contre deu sistème seguent qui establí ua associacion de signes fonetics dab determinaius figuratius). Lo periòde predinastic que mescla los 2000 ans qui precedeishen l'Empèri Ancian (un periòde preitoric) dab las dus cents annadas de periòde protodinastic (qui n'avem de testimoniatges istorics grafics, quitament se son de mau interpretar). Lo periòde predinatic qu'ei un temps qui precedeish l'unificacion egipciana. Aquesta unificacion, hèita peu rei Narmer (tanben conegut com Nemes) que marca la fin d'aqueth periòde. Lo rei d'aqueh temps que son generaument amassat dens la dinastia 0 e la purmèra dinastia.