Gran Esfinx de Giza : Diferéncia entre lei versions

Gran monument de [[l'Egipta anciana]] qui representa un [[leon]] deu cap d'òmi, probablement lo cap deu [[faraon]] [[Kefren]] (a maugrat qui poderé estar lo son pair [[Khofo]], tanben conegut deu nom balhat peus escrits grècs : [[Keòps]]). Per'mor de lassociacion cronologica dab aquesta dinastia, que's data l'Esfinx au cap de [[-2500]]. Qu'ei situat suu platèu de [[Guisah]] sus l'arribèra occidentau deu [[flum nil|Nil]] au ras de las tres famosas [[piramidas de Guisah]].

Que's pensa que devèva estar pintrat. Enter las soas patas ua estèla que conta que lo faraon [[Totmòsis IV]] que s'endromí sus l'Esfins d'un deus numerós temps qui èra caperat peu sabla deu desèrt e qu'en saunei l'Esfinx que demanè deu liberar, çò qui he. L'estèla que dit:

''Un dia que s'escadó que'u hilh reiau Totmòsis, en bèth passejà's de cap a mieidia, que s'arrepausè a l'ombra d'aqueth gran diu ; lo saunèi que'u gahè de quan lo so b'èra au son zenit. Alavetz que s'apercevó que la Majestat d'aqueth gran diu que'u parlava dab la soa quita boca com un pair e devisa dab lo son hilh: espia me, contempla me, ò Totmòsis lo men hilh; que soi lo ton pair, Hòrakheti-[[Khepri]]-[[Ra]]-[[Atom]]; que't daréi la reiautat sus la Tèrra, au cap deus vius, que portarás la corona blanca e la corona arroia suu tròne de [[Geb]], lo prince. La Tèrra que será toa en la soa longor e en la soa largor, e ton tot çò qui lusèish l'uèlh estiglant deu Mèste de l'univers. (...) Adara que s'escad que patèishi deu sable deu desèrt, lo quite sable au dessus deu quau e m'estavi autes còps; amaneja't de cap a jo, entà qui pòsqui har çò qui desseji.''

L'Esfinx qu'a patit hèra deu temps. En purmèr lo sable que'u caperè matuns còps. Que ho desensablat au sègle XIX e encar en [[1923]]. Puish que patí còps de canons au sègle XIV qui trequèn la soa fausa barba de faraon (uei lo dia au Brtish[[British Museum]] qui se denegar encara e totemps a'u pas jamei tornar) e lo nas (perdut desempuish aqueth còp). En [[1989]] que i avó tribalhs entà tornar ahortir lo son còth vadut flac.