Josephine Baker : Diferéncia entre versions

pas cap de resumit de modificacion
Aus quinze ans que començè a aver ròtles deus importants e que se'n anè de cap a [[Nòva York|New York]] deu temps de la [[Harlem Renaissance]]. Acerà, que joguè au [[Plantation Club]] e dens lo ''chorus'' de las revistas [[Shuffle Along]] ([[1921]]) e [[The Chocolate Dandies]] ([[1924]]). Ja plan escaduda que s'aviè de cap a [[Paris]] en [[1925]]. A maugrat deu colonialisme e deu racisme francés d'aqueth temps, la descoberta de Paris que ho ua experiéncia agradiva per Baker qui, en mei de rescontrar d'autes afro-americans com èra (enter los quaus lo musician [[Sydney Bechet]]), peu purmèr còp, que podèva anar pertot sens estar horabandida per'mor de la color de la soa peth.
De tira que s'escadè en çò deu "[[Folies bergères]]" on dançava quasi nuda dens la [[Revista Negra]].
Hèra viste que ho ua de las personalitats las mei famosa de l'espectacle en França e durant aquesta tempora que bastí la soa iconografia (la cinta de babananas, lo son leopar qui acabère fin finala au zoo e las fotografias deus sens nus), e que conegó lo son impresàrio italian Giuseppe Pepito Abatino e que crompè lo son casteth en Occitània. D'aqueth temps tanben (en [[1931]])qu'interpretè la soa famosa canço: ''Qu'èi duas amors, lo men país e Paris''.
Que virè dus films : [[Zouzou]] ([[1934]]) e [[Princesse Tamtam]] ([[1935]]), aqueth darrèr dab [[Jean Gabin]].[[Image:Baker Banana.jpg|200px|left|thumb|La cinta de bananas de la ''Revista Negra'']]
Hòrta d'aquesta fama que's decidè (dab lo conselh d'Abatino) d'anar har ua camada aus Estat Units mes aquò que virè mau. Que ho umiliada raciaument (n'avèva pas quitament lo dret de botar pe dens lo ''Hall'' de de la grana otalaria on demorava per'mor d'estar negra) e artisticament (lo public american que la shiulè). Esmalida que tornè entà França e en desseparà's d'Abatino.
La soa popularitat aciu qu'èra tau qui l'ocupant [[nazi]] non la gausè pas tocar de tròp. Era qu'avò de huèger en entrar dens la resistència e en bèth juntar las armadas aliadas. Au despart de la soa activitat artistica de sustien de las òst aliadas (en essaiar, de mei, de lutar contra la segregation raciau qui's practicava au dehens de l'[[armada americana]] e qui èra moraument e estrategicament desastrosa) que prengó risques deus seriós. Après la guèrra França que li balhère lo grad de Chivalier de la [[Crotz deLegion Guèrrad'aunor]].
Deu punt de vista personau, durant la guèrra que conegó lo son marit, lo cap d'orchestre [[jazz]] francès [[Joe Bouillon]]. Un càncer que he péder tot esper de anc mainadar.
 
== La temporas de l'idealisme==
 
Après la guèrra, en [[1947]] que crompè lo son casteth en Occitània ''Las Milandas''. Que tornè aus Estats Units, aqueth còp dab mei de vam entà pelejà's contra la discriminacion. A [[Miami]] qu'obliguè lo teatre a deishar que lo public negre e podosse crompà's plaças autant bonas que non pas los blancs. A [[Nòva York|New York]], que s'esmalí en un restaurant on la volèvan pas servir e, après aver interpelat un famós jornaliste de ràdio present, que seguí ua peleja mediatica on los dus perdén (au maugrat qui non se pòsca denegar que Baker avosse har avançar las causas). En [[19651963]], qu'hore au costat de reverent [[Martin Luther King]] per la grana [[Marcha de Wasington]].
 
En [[Argentina]], [[Juan Domingo Perón]] que conprengó las similaritats de personalitat enter Baker e [[Eva Perón|Evita]] (duas mainadas umiliadas creishudas dens lo prauber qui, adultas, e s'èran escadudas dens l'espectacle en emplegar l'admiracion d'òmis poderós e qui avèvan virat la loa set de revancha en combat contra las injustícias sociaus) qu'ensaiè de la har préner la plaça de la defunta "Mair deus tribalhadors". Josephine Baker qu'acceptè e que viscó ua tempora a [[Buenos Aires]] mes fin finala, que de comprengó de qu'èra manipulada per un regim populiste sus la soa fin e que tornè entà França on adoptè mainatges de tot lo monde sancer entà muishar, que los òmis, d'on que sian, be vaden entà víver amassas. Qu'aperè aquesta familha la "Rainbow tribe" (la tribú de l'arcolin). Aqueth saunei que virè mau quan, escanada per l'idealisme demesurat e peus deutes, que's desseparè de Bouillon, e que perdó la garda deu mainatges e las[[Las Milandas]].
[[Image:Josephinebaker.jpg|200px|right|thumb|Josephine Baker en 1949]]
[[Grace Kelly]] que l'arcuèlhè a [[Monegue]] on podó víver. En [[1975]] que tornè sus l'empont a [[Bobinò]]. Qu'èra impressionant de la véder dab un còs e ua agilitat qui semblavan estar los d'ua joena dançaira joena. Totun, per'mor deu pes deu ans, que's morí quasi si l'empont.
 
[[Categoria:Naissença en 1906]]
23 001

cambiaments