Joan Bodon : Diferéncia entre lei versions
Contengut suprimit Contengut apondut
Linha 5 :
Joan Bodon nasquèt en 1920 dins una familha modèsta a Crespin, filh de Ciprian Bodon e d'Albania Balsà, parenta a un gra alunhat de l'escrivan francés d'origina occitana [[Honoré de Balzac]]. Faguèt son escolaritat primària dins son vilatge e dintrèt puèi al cors complementari de [[Naucèla]] en 1932. Foguèt aquel an que grelhèt sa vocacion d'escrivan e son interès per l'[[occitan]] quand descobriguèt l'òbra de [[Justin Besson]] e subretot son poèma ''Dal brèç a la tomba''.
La mòrt de sa grand, en 1934, li provoquèt un traumatisme psicologic intens a tal ponch que comencèt a quequejar, problèma que servèt tota sa vida. Se presentèt al concors de dintrada de l'Escòla normala a [[Rodés]] e i foguèt admés en 1938. Ailà coneguèt [[Calelhon]] e mai [[Enric Molin]] que quand vegèt lo gaubi de Bodon l'incitèt a escriure. En 1940 venguèt regent, mas l'an seguent del temps qu'ensenhava a [[Castanet]] aguèt de partir al [[Servici de Trabalh Obligatòri]] aprèp que foguèt mobilizat al Camp de Joventut d'[[Andusa]]. En 1943 foguèt mandat a [[Breslau]] ([[Silesia]], [[Polonha]]) ont patiguèt fòrça. Aquela estada lo marquèt prigondament e es vesedoira dins ''La Grava sul camin''. Ne tornèt pas qu'en 1945 e recuperèt sa foncion de regent, mas aqueste còp èra itinerent agricòla. Se maridèt amb [[Camilha Vidal]] en 1946 del temps qu'èra regent a [[Durenca]]. Collaborava al setmanièr [[comunista]] ''La Voix du Peuple'' que lor i balhava d'articles en occitan. En 1949 foguèt nomenat al [[lo Mauron|Mauron]] ont deviá demorar uèch ans.
En 1954 participèt a la [[Santa Estèla]] que lo [[Felibritge]] celebrèt a [[Avinhon]] (eveniment que inspirèt son roman ''La Santa Estèla del Centenari'') e i recebèt lo primièr prèmi de pròsa per los ''Contes dels Balsàs'' puèi en 1956 se faguèt membre de l'[[Institut d'Estudis Occitans]].
En setembre de 1968, per de rasons financièras, ligadas al nombre important d'enfants (sièis) qu'aviá la familha, se n'anèt en [[Algeria]] e s'installèt a l'Arbatach coma cooperent agricòla. I moriguèt lo 24 de febrièr de 1975 en seguida d'una longa malautiá e laissèt una òbra inacabada: ''Las domaisèlas''.
== Las òbras de Joan Bodon ==
| |||