|
Lo peitavin-santongés se parla dins lo domeni seguent, que se vei subre [http://pivetea.free.fr/aeraie.htm aquelas mapas]:
* Dins la region administrativa de [[Peitau-Charantas]], levat dins la [[Charanta Lemosina]] qu'es occitana.
** Chau senhalar que la comuna de [[Sant Estròpi]] ([[Charanta (departament)|Charanta)]] es una enclava de lenga occitana en domeni peitavin-santongés.
* Dins una franja meridionala daus departaments dau [[Léger Atlantic]] e de [[Maine e Léger]]
* Dins quauques comunas au limit dau departament d'[[Indre e Léger]]
* Dins quauques zonas dau departament de [[Gironda (departament)|Gironda]] (qu'es majoritariament occitan):
** La [[Grand Gavachariá]] o lo [[País Gavai]], dins lo nòrd-èst de Gironda, vèrs [[Cotràs]] e [[Blaia]], zona limitròfa emb la rèsta dau domeni peitavin-santongés.
** La [[Petita Gavachariá]], enclava en domeni occitan dins l'èst de Gironda, aon i augut un bilingüisme tradicionau occitan e peitavin-santongés, anueit acabat per la desaparicion daus darrièrs locutors gavachos.
** La preséncia anciana de locutors d'oïl dens d'autres parçans de Gironda a podut dar l'impression qu'aqueths parçans - la comuna de Solac per exemple - èran enclavas peitavina-sentongesas. Ne n'es res. La preséncia d'una comunautat dens un parçan ne vòl pas dire que l'identitat primièra d'aquel parçan chamnhe per autant (o sinon, lo centre de Donostia - San Sebastian deuré estar restacat ad Occitània). En l'ocuréncia, i aguèt quauques familhas de pescadors roianés sus la comuna de Solac, que parliàn lura lenga. Aquò empachava pas que Solac fosquesse occitana. Aquelas comunautats an desapareishut uei.
* En Perigòrd, dins las doas comunas de [[Parcol]] (''Parcoul'') e (per meitat) de [[La Ròcha Chalés]] (''La Roche-Chalais'').
| 