Elias Fonsalada

Elias (de) Fonsalada foguèt un trobador occitan del sègle XII e XIII. Aqueste autor originari de Brageirac es conegut gràcias a sa vida escricha posteriorament que ditz d'el:

Representacion d'Elias Fonsalada dins un cançonièr del sègle XIII

N'Elias Fonsalada si fo de Bragairac, del avesquat de Peiregors. Bels hom fo molt de sa persona, e fo fils d'un borges que se fetz joglar; e n'Elias fo joglars atressi. No bon trobaire mas noellaire fo; e saup benestar entre la gen.

De sa produccion subsistisson sonque doas cançons, escrichas aparentament durant las darrièras annadas de la vida del sobeiran catalan Pèire II d'Aragon segon lo cercaire Manfred Raupach.