Eduardo Halfon

Eduardo Halfon (Ciutat de Guatemala, 20 d'agost de 1971) es un escrivan guatemalteca. Considerat un temps coma un dels joves escrivans mai prometedors d'America Latina, es estat durant 8 ans professor de literatura a l'Universitat Francisco Marroquín de la capitala de Guatemala. Sas òbras son estadas reviradas en mantuna lenga coma l'anglés, lo sèrbi, l'italian, lo neerlandés o lo francés.

Biografia

Eduardo Halfon nasquèt en 1971 a la Ciutat de Guatemala al sen d'una familha d'origina jusieva. L'escrivan, que se definís a l'encòp coma jusieu e arab, es estat prigondament marcat per son eiretatge familiar, que la màger part de sos grands èran de jusieus sefarditas, mentre que son autre grand, polonés ashkenaze, subrevisquèt al camp de concentracion d'Auschwitz.

Quand aviá pas que 10 ans, Eduardo partiguèt amb sos parents viure als Estats Units. I faguèt d'estudis d'Engenhariá Industriala a l'Universitat d'Estat de Carolina del Nòrd. S'aclimatèt tant a la vida americana que manquèt de ne pèrdre sa lenga mairala, que tornèt recuperar a l'edat de 28 ans. En aquel temps, son interès per la lectura l'estrambordèt e abandonèt sa carrièra d'engenhaire per s'avodar a l'escritura. Pro rapidament se faguèt un nom dins las letras latinoamericanas e en 2007, aprèp d'eleccions foguèt situat demest los 39 melhors escrivans latinoamericans de mens de 39 ans, e apareguèt dins la seleccion Bogotá39.

Òbras

Esto no es una pipa, Saturno (2003)
De cabo roto (2003)
El ángel literario (2004)
Siete minutos de desasosiego (2007)
Clases de hebreo (2008)
Clases de dibujo (2009)
El boxeador polaco (2008)
Morirse un poco (2009)
La pirueta (2010)
Los espacios irónicos (2010)
Mañana nunca lo hablamos (2011)
Elocuencias de un tartamudo (2012)
El monasterio (2014)