Casco de combat

Un casco de combat o casco militar es un casco militar destinat a protegir la tèsta d'un combatent sus lo prat batalhier. Es aparegut durant l'Antiquitat e evolucionèt amb lei transformacions de l'armament dei fantassins e dei cavaliers. Venguèt obsolèt dins l'infantariá après la generalizacion deis armas de fuòc mai demorèt en usatge dins mai d'una unitat de cavalariá.

Lo casco militar modèrne foguèt concebut durant la Premiera Guèrra Mondiala (1914-1918) per protegir la tèsta còntra leis esclats d'armas explosivas (obús, granadas...). Permet de còps de desviar la trajectòria d'una bala rasanta. En revènge, es incapable d'arrestar un tir dirècte. Lei modèls francés (casco Adrian de 1915) e alemand (Stahlhelm de 1916) rescontrèron un succès important e son a l'origina dei modèls utilizats per la màger part dei fòrças armadas actualas.

• 
  Casco corintian utilizat en Grècia vèrs -500.
• 
  Casco roman.
• 
  Casco italian utilizat vèrs 1400.
• 
  Casco francés dau sègle XVII.
• 
  Casco Adrian francés de 1915, premier casco militara modèrne.
• 
  Casco anglés de la Premiera Guèrra Mondiala.
• 
  Casco Stahlhelm de 1935.
• 
  Casco SPECTRA francés de 1992.

Liames intèrnes

• Casco.