Dobrir lo menú principal
Carlos Henrique Latuff de Sousa[1]

Carlos Henrique Latuff de Sousa, nascut lo 30 de novembre de 1968 a Rio de Janeiro, es un dessenhaire brasilian, autor de caricaturas politicas.

Latuff comencèt sa carrièra coma ilustrador en 1989, dins una pichona agéncia de comuniacion situada al centre Rio de Janeiro. Venguèt dessenhairede premsa après que publiquèt sa primièra carictura dins buletin del Sindicat dos Estivadores, en 1990, e contunha fins ara trabalhar pel sindicalisme.

Amb lo vam d'Internet, Latuff comencèt son ativisme artistic, produsent de dessenhs luire de drech pel movemento zapatista.

Après un viatge pels territòris ocupats de Cisjordania, en 1999, venguèt un simpatisant de la causa palestiniana, dins lo contèxte del Conflicte araboisraelian e virèt una bona partida de son trabalh cap a aquel tèma. [2]

Sas òbras son espandidas pel mond entièr.[2]. Foguèt primat, en 2006, ex aequo amb la Francesa Chard, amb lo segond prèmi del Concors internacional de caricaturas sus l'Olocaust organisat a Teheran pel jornal Hamshahri en rispòsta a las caricaturas de Maomet, publicadas en Danemarc. Lo concors faguèt mòstra de 204 òbras vengudas del mond entièr, al Musèu de Art Contemporanèu de Teheran. Lo desenh primat mòstra un palestian al desespèr fàcia al mur de Cisjordania, vestit de l'unifòrme dels prisionièrs del camps de concentracion nazis. Sus l'uniforme, i a lo Creiscent Roge, un simbòl musulman, a la plaça de l'Estrela de David, simbòl del judaïsme, qu'èra impausat al prisionièrs josièus dins camps de concentracion nazis (veire galariá).

Las grandas manifestacions de protestacion de 2011, que s'espandiguèron per tote lo Mond Arabi - per la "Prima Araba" -, faguèt impacte sul trabalh de Latuff, que gaireben jornalament deesenhava d'editorials suls eveniments. Lo SCAF, en Libia e l'OTAN son de tèmas recurents de son trabalh. Las seunas òbras sus la "Prima Araba" venguèron importantas pels pòbles concernits, que s'encontrava de reproducions de las caricaturas de Latuff exibidas dins las mans dels manifestants, dins lo Mond Arabi e las autras regions del mond.[3]. « Es un trabalh d'autor, mas pas la meuna opinion. Deu èsser util pels manifestants, e que pòscan o ustiza coma una aisina », explica lo dessenhaire.[4] "Charge incomoda", resume. [2]

GaleriáModificar

ReferénciasModificar

Ligams extèrnesModificar

 

Wikimedia Commons prepausa de documents multimèdia liures sus Carlos Latuff.