Dobrir lo menú principal

Campanha dei Filipinas

Fotografia de Manila après sa reconquista.

La campanha dei Filipinas se debanèt dins lo corrent de la Segonda Guèrra Mondiala dau 20 d'octòbre de 1944 a la fin dau conflicte en setembre de 1945. Designa una tiera d'ofensivas dei tropas estatsunidencas (1 250 000 òmes) sostengudas per d'unitats australianas e de guerilhas localas fòrça activas destinada a reconquistar l'archipèla dei Filipinas tengut per lei Japonés (430 000 òmes) dempuei 1942.

Leis Estatsunidencs desbarquèron lo 17 d'octòbre de 1944 dins la region de Leyte onte se turtèron a una resisténcia acarnada que persistèt fins au 31 de decembre. Dins lo corrent d'aquelei combats, capitèron de destrurre la darriera flòta japonesa importanta a la batalha dau Golf de Leyte (23-27 d'octòbre). Puei, avancèron en direccion de [[Batalha de Manila|Manila que tombèt lo 3 de març de 1945 après un mes d'afrontaments dins la vila. En parallèl, reconquistèron la màger part de l'illa de Luçon (9 de genier - 15 d'aost de 1945). Enfin, se dirigiguèron còntra leis illas importantas de l'archipèla. A la fin de la guèrra, la resisténcia japonesa èra reducha a de pòchas situadas dins d'endrechs isolats e protegits per la jungla.

La campanha entraïnèt la pèrda de 62 514 soudats estatsunidencs (13 973 tuats e 48 541 bleçats) e de 348 925 Japonés (336 352 tuats e 12 573 presoniers). De centenaus de milièrs de civius ò de combatents dei guerilhas filipinas foguèron tanben tuats dins lei combats, per leis accions de represalhas dei tropas japonesas ò per lei bombardaments estatsunidencs.

Liames intèrnesModificar

BibliografiaModificar

Nòtas e referénciasModificar