Bubalus bubalis

Bubalus arnee

Bubalus bubalis

Bubalus bubalis en Sri Lanka

Classificacion
Règne	Animalia
Embrancament	Chordata
Sosembr.	Vertebrata
Classa	Mammalia
Òrdre	Artiodactyla
Familha	Bovidae
Sosfamilha	Bovinae
Genre	Bubalus

Nom binominal

Bubalus bubalis
(Linnaeus, 1758)

Estatut de conservacion UICN

(EN)
ENA2cde+3cde+4cde; C1 : En dangièr

Estatut CITES

Annèxe I, Rev. del 1975-01-07

Lo bufle domestic es un bovid de granda talha, l'espècia tipica del genre Bubalus, que compren diferentas autras espècias endemicas d'Asia tropicala.

Es tanben conegut coma bufle d'Asia, (B. b. bubalis) e bufle dels rius (B. b. kerabau). Selon las raças e païses, pòrta tanben los noms : arni, karbau, kerabaü...

A l'estat salvatge, lo bufle d'Asia es una espècia en dangièr, que l'abitat tipic es los paluns d'Asia del Sud e del Sud-Èst. Sota sa forma domesticada, es un animal corrent en China, dins lo soscontinent indian e en Asia del Sud-Èst, subretot agradat per son lach e coma animal de bast e de laurada.

La bufla es tanben elevada en Euròpa per son lach en Romania e en Itàlia, subretot en Campània, per la producccion de la mozzarella. I a de rèstes arqueologics d’òs atestant la preséncia del bufle domestic dempuèi l'epòca arcaïca, a l'alba de l'Antiquitat, dins los Balcans, en Anatolia, Siria, Mesopotamia e Pèrsa o Itàlia.

Bufle de terralha, 2300 AbC, Lopburi, Tailàndia
Bufle de rodetas, joguina. Terralha, Granda Grècia (Itàlia del Sud), epòca arcaïca.
Bufle, per Pisanello (vèrs 1420-1440)
Csordás (« boièrs ») en Ongria al sègle XIX.

Coma pel buòu domestic, existís diferentas raças, qu’unas foguèron exportadas luènh de lors tèrras d'origina: uèi, lo bufle es elevat en Tunisia, mas tanben al Brasil, ont foguèt introduch sus l’illa de Marajó, e dins lo nòrd de l'Austràlia, ont de bèstias escapadas dels elevatges vengèron de bèstias per caçar.

En Occitània una bòrdas fermes n’elevan per la carn e lo lach e dins los Nauts-de-França un tropèl es utilizat per gerir lo palun de Sacy^[1]. Una populacion liura foguèt introducha als Païses Basses, dins lo poldèr d'Overdiepse^[2].

Le buffle sauvage (Bubalus arnee bubalis) modificar

La populacion salvatge que comptariá mens de 3 500 individús maturs es subretot espandida en Índia, al Nepal, al Botan e en Tailàndia. Una desena d'individús demoran al Cambòtja, en Birmania e en Malaisia peninsulària. La populacion de Bornèo seriá un crosament amb d’individus fèrs, es lo mèsme al Sri Lanka.

Las principalas menaças pels bufles es lo braconatge, l’ibridacion amb la populacion domestica, las malautiás, la destruccion de lor ecosistèma, lo trocejment de lor abitat e las catastròfas naturalas.

Los bufles vivon subretot dins los paluns, la jungle e la savana arborada del sud e del sud-èst asiatic. Mai sovent, los bufles salvatges vivon en tropèls d'un trentenat d'individús que se noirisson subretot d'èrbas, de plantas aquaticas veire de fruchs e de fuèlhas d'arbre. Las predators màger del bufle son lo tigre, l'òme e lo crocodil pels buflons. Lo bufle es lo segond mai grand buòu salvatge après lo gaur e pèsa de 700 a 1 200 kg, ten las mai grandas banas pels romiants: pòdon mesurar dos mètres.

Buflon, Índia.
L’estatut dels bufles salvatges fa debat al Sri Lanka, aquí al Pargue nacional de Yala
Bufles domestics en Romania

Bibliografia modificar

B. D. Scherf, World watch list for domestic animal diversity, éd. de la F.A.O., 3-e édition, Rome 2000.

Referéncias modificar

↑ Groupe Zones humides, 2018, Zones Humides Infos n^o : Pâturage traditionnel ou original en zone humide, La gestion des marais de Sacy par le buffle domestique, Error en títol o url.
↑ Global Invasive Species Database (GISD 2017), espèce Bubalus bubalis sur on 30-11-2017 et Daniel Münter, film Pays-Bas : le pacte avec l'eau à 43 min 06 s sur [1].

Articles connèxes modificar

Ligams extèrnes modificar

(en) Référence Mammal Species of the World (version 3, 2005) : Bubalus bubalis
(fr) Référence CITES : taxon Bubalus arnee (sur le site du ministère français de l'Écologie) (consulté le 16 mai 2015)
(fr+en) Référence ITIS : Bubalus bubalis (Linnaeus, 1758) (+ version anglaise )
Referéncia Animal Diversity Web : Bubalus bubalis (en)
(en) Référence NCBI : Bubalus bubalis
(en) Référence UICN : espèce Bubalus arnee Kerr, 1792 (consulté le 16 mai 2015)
(en) Référence Fonds documentaire ARKive : Bubalus bubalis

[1] Groupe Zones humides, 2018, Zones Humides Infos n^o : Pâturage traditionnel ou original en zone humide, La gestion des marais de Sacy par le buffle domestique, Error en títol o url.

[2] Global Invasive Species Database (GISD 2017), espèce Bubalus bubalis sur on 30-11-2017 et Daniel Münter, film Pays-Bas : le pacte avec l'eau à 43 min 06 s sur [1].

[1]

[2]