Bocariá
La bocariá o masèl (var. masèu (prov.), carnisseria (gasc.), es un establiment ont se comercializan diferents tipes de carns crudas consacradas a la consomacion umana. Mai sovent dins la bocariá se realizan los prètzfaches de tractament final coma talhar o picar las carns. L'equipament minim d'una bocariá conten un refrigerador industrial, un supòrt de talh, un ensems de cotèls e un taulièr refrigerat.
Istòria
modificar
Dempuèi l'epòca romana lo mestièr del boquièr o maselièr foguèt reglamentat, diversificat e a vegada dotat de privilègis. A l'Edat Mejana europèa èra una carga ereditària. En 1096 foguèt creat lo primièr establiment de venta de carn a París (actuala pòrta del Châtelet)
Los estatuts de 1589 en França obliguèron los boquièrs far un comèrci just de la carn al pes la passant sus una balança, e non pas a l'uèlh coma se la vendiá dempuèi de temps.
Ara las bocariás vendon de carns frescas talhadas en majoritat, mas se dobrisson a de preparacions crudas (coma las salsissas) o cuèchas (coma de plats cosinats).
Tipes de bocariás
modificar- Carnsaladariá - Especializada dins la comercializacion de carnsada
- Tripariá- Son los establiments ont se vendon la tripalha dels animals
- Galinariá- Ont lo galinièr ven de polalha: polet, piòt, catla, colomb, ...
- Bocariá cavalina - Se vend la carn de caval.