BTR-70
Lo BTR-70 es un veïcul de transpòrt de tropas sovietic desvolopat dins leis annadas 1970. Es una evolucion dau BTR-60 e es equipat de dos motor d'esséncia, d'uech ròdas motritz, d'un blindatge leugier (entre 6 e 20 mm), d'un sistèma de vision infraroge, d'un estabilizator de tir, d'una proteccion NBC e d'un sistèma intèrne anti-incendi. Es tanben amfibí. Son armament es fach de doas mitralhièras de 14,5 e de 7,62 mm (ò 12,5 e 7,62 mm sus certanei versions). A un equipatge de 3 òmes e pòu transportar 7 soudats ambé son equipament.
Foguèt adoptat per lo blòt sovietic e Romania fabriquèt la sieuna version. Après la Guèrra Freja, demorèt utilizat per lei país d'Euròpa Orientala e per leis estats successors de l'URSS. A participat a ges de combat important mai son comportament foguèt jutjat bòn per lei fòrças de l'ONU en Iogoslavia.