Arnapi es un grop de punk militant de Bigòrra (en Gasconha) e de Bearn, qui s'exprimeish en lenga occitana e mescla punk rock, reggae e ska.

Grop modificar

  • Silvan CARRERA : votz.
  • Loïc LABORDA : guitarra, programacion, votz.
  • Pèir LAVIT : guitarra baisha, votz.
  • Charlòta ABADIA : acordeons cromatic e diatonic, melodican.

Format en seteme de 2006, Arnapi qu'esto rapidament considerat com un "ovni" deguens la musica occitana, en jogar notadament sus ua caisha a ritme e en perpausar ua musica de cuu a las influencias tradicionaus "classicas".

En 2007,Lo grop que's desmarca de tira per concèrts d'antologia (Tor deu Borrèu a Pau | Concèrt sauvatge a la facultat de Pau). Lo son n'ei pas afinat, mès l'energia balhada pendent los concèrts que permeten au grop de's hèr ua bona reputacion. Lo grop que sorteish de Bigorra, tà jogar notadament en Avairon dab Oai Star. Lo grop sortirà lo son solet disc "capvariat",tot hèit a casa (dinc a la pochèta en carton...).Quasi 800 discs que seràn venuts.

En 2008, lo grop que comença d'estar convidat hens hestenaus mes reputats (Estivada de Rodès-Fiesta FZM en Bretanha). A l'Estivada de Rodès, lo grop qu'integra videos pendent los concèrts. Mès aquestes emponts de prestigi que soarà la debuta de las pelejas entre los musicians deu grop e lo cantaire, e la mort deu grop.

Après ua virada de tres concèrts debuta de 2009 (dab Ramoneurs de Menhirs, Charly Fiasco e Guerilla Poubelle), lo grop que's dessepara en mai 2009. L'associacion Espiceria que demora en vita, shens Silvan Carrèra, e que hica en plaça bèths projèctes ligats au patrimoni culturau.

Ligams extèrnes modificar