Andrei Rublev

Andrei Rublev (vèrs 1360, Moscòu - entre 1427 e 1430, Moscòu) es un monge e un pintre rus de la fin de l'Edat Mejana. Canonizat en 1988, es un sant de la Glèisa Ortodòxa celebrat lo 4 de julhet. Es considerat coma lo pintre d'icònas pus famós de l'istòria de la pintura russa, especialament gràcias a l’Icòna de la Trinitat

Originari de Moscòu, foguèt l'aprendís de Teofan lo Grèc (vèrs 1340-1410), un pintre d'icònas bizantin que venguèt s'installar en Russia vèrs 1370. Lo rèsta de la vida d'Andrei Rublev es quasi desconegut. Foguèt probablament monge dau monastèri d'Andronikov. Segon una legenda dobtosa, seriá estat emborniat per aver signat la Trinitat, causa enebida ai monges dau periòde.

Son estil es una evolucion de la pintura religiosa bizantina. Es ansin una pintura sabenta inspirada per de règlas. Pasmens, Rublev i introduguèt mai de doçor e de soplesa gràcias a l'adopcion de composicions simplas, de linhas armoniosas e d'una lutz doça.

Liames intèrnesModificar

BibliografiaModificar

  • (en) Gabriel Bunge, The Rublev Trinity (trad. Andrew Louth), Crestwood, 2007.
  • (en) Viktor N. Lazarev, The Russian Icon: From Its Origins to the Sixteenth Century, Liturgical Press, 1997.

Nòtas e referénciasModificar