Amnon Weinstein qu'ei un laütièr israelian que gavida lo projècte de crubar vriulons deus camps de concentracion entà que tornin jogar en bèth tonar l'espèr ; qu'ei atau quin en fondè "Violin of Hope" (vriulons de l'Espèr) ua associacion que hè víver aquestes vriulons e que trabalha entà l'educacion musicala e istorica.

Aquestes vriulons (mantuns que hon deus deportats qu'èran obligats a jogar dens l'orquèstra qu'arcuelhèva los deportats entà eths har créder que tot anava anar de plan, dautes venuts per deportats per subreviure) que son amassats en orchèstra.

Amnon Weinstein qu'ei hilh deu laütier Moshe Weinstein qui arribè a Tel Aviv en 1938 ; centeats membres de la loa familha que hon aucits durant la Shoah e eth que conta qu'après la guèrra, en Israel, matun e vienèva au talhèr dab vriulons en tot miaçant que se us crompava pas, que us se croishirén per'mor d'estar alemands, per'mor aquò b'èra inacceptable entàd eth, aqueste que'us s'ac crompava tots.

Desempuish d'autes vriulons que li son estats mandats entà s'amassar en un sheishanteat, ligats d'un biais o d'un aute a la Shoah (com lo d'uns laütier aucit dens un camp).

Lo vriulonista Shlomo Mintz (qui, mainatge e com mantun aute futur violonistas deus màger de sa generacion e cossirè au talhèr de Moshe Wenstein) qu'a interpretat concèrts dab un d'aquestes e acompanhat peus autes "Vriulons entà l'Espèr.

A despart de la soa purmèra formacion pairala, Weinstein qu'estudiè en Euròpa dab Étienne Vatelot e Pietro Sgarabotto.

Ligam extèrne modificar

  • [1] Pagina d'Amnon Weinstein sus la pagina deus Vriulons entà l'Espèr]